19/05/2023 16:34
《小傳日記》元宇宙墮入黑洞!就好似集體發咗一場夢…
科技日新月異,股市都係「日新月異」,今日新炒嘅概念股,下個月已經另一片風景。而科技股就更加係,今日有消息報道,百度(09888)元宇宙平台「希壤」嘅負責人馬杰已經離職。
內媒報道,雖然希壤團隊未算係解散,不過成條team都已經接近發配邊疆,好多人手都已經過檔其他部門或者執包袱。有爆料人士就話,百度覺得元宇宙概念短期內好難搵到錢,加上AI GPT先至係而家最熱嘅題目,百度寧願將水喉射落AI,仲要有幾多射幾多,滴水不留返畀元宇宙。唔止得百度,QQ、抖音等等科技大佬都已經齊齊將元宇宙掟入黑洞。
元宇宙之所以會輸畀GPT,一來係ChatGPT發布之後引起咗全地球嘅騷動,二來係ChatGPT技術比起元宇宙實在實用太多。元宇宙最多時就係以NFT概念出現,Sandbox嘅玩法就係暫時見到最常見嘅用法,以NFT出一種Token,類似crypto咁交易虛擬土地。而呢個算唔算實用,好睇大眾有幾投入參與,肯投入就係活在元宇宙,唔投入就只係一場遊戲。
相反ChatGPT實用得多,好好醜醜都可以生成一篇有用嘅文,做backgrounder係非常方便嘅工具,慳返好多時間逐樣資料搜集,所以先會咁爆炸性咁多人用。
而早於百度之前,QQ之前都已經傳出大量減省投入研發元宇宙嘅人手,XR業務喺成立唔夠一年就已經早於今個年頭裁走全部人手,XR業務負責人沈黎更於去年底就離開QQ,睇怕百度嘅步伐都差唔多。不過百度有希壤喺手,唔知會唔會有機會再搞返呢?請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
內媒報道,雖然希壤團隊未算係解散,不過成條team都已經接近發配邊疆,好多人手都已經過檔其他部門或者執包袱。有爆料人士就話,百度覺得元宇宙概念短期內好難搵到錢,加上AI GPT先至係而家最熱嘅題目,百度寧願將水喉射落AI,仲要有幾多射幾多,滴水不留返畀元宇宙。唔止得百度,QQ、抖音等等科技大佬都已經齊齊將元宇宙掟入黑洞。
元宇宙之所以會輸畀GPT,一來係ChatGPT發布之後引起咗全地球嘅騷動,二來係ChatGPT技術比起元宇宙實在實用太多。元宇宙最多時就係以NFT概念出現,Sandbox嘅玩法就係暫時見到最常見嘅用法,以NFT出一種Token,類似crypto咁交易虛擬土地。而呢個算唔算實用,好睇大眾有幾投入參與,肯投入就係活在元宇宙,唔投入就只係一場遊戲。
相反ChatGPT實用得多,好好醜醜都可以生成一篇有用嘅文,做backgrounder係非常方便嘅工具,慳返好多時間逐樣資料搜集,所以先會咁爆炸性咁多人用。
而早於百度之前,QQ之前都已經傳出大量減省投入研發元宇宙嘅人手,XR業務喺成立唔夠一年就已經早於今個年頭裁走全部人手,XR業務負責人沈黎更於去年底就離開QQ,睇怕百度嘅步伐都差唔多。不過百度有希壤喺手,唔知會唔會有機會再搞返呢?請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇