24/07/2024 12:03
《魚缸博客》華住承諾三年大派廿億美金兼加碼回購,現價好抵博!
近期魚缸成交細,陰陰跌咁樣,好似準備嚟一鑊甘咁樣。之前除淨期過後缸友都諗著抽返錢出嚟博落其板塊,搞完一輪最終都係「苦無股炒」,唯有泊返落去高息股。今日博客就睇中隻華住(01179)。
華住未公布中期成績,但最新就「未見績先派息」,公布中期會派總額大約兩億美金息,每股H股派6.3美仙,每股ADS派出63美仙。同時宣布一項三年計劃,期內將會派出最多20億美金股息,每個財政年度嘅股息總額將唔會少於公司該年淨利潤嘅60%。同時,華住亦宣布一個五年嘅ADS回購計劃,比起之前嘅7.5億美金規模擴大至10億美金。
其實華住由5月以來都跌咗唔少,由高位33.55銀計,到今個星期一最低見過23.35銀,已經蒸發咗足足三成,難怪未出績都先行派息,仲再連埋加大回購嚟留著缸友。以走勢計,目前23銀邊係今年初嘅反彈浪底,現價其實都相當值博,有回購支持,再跌都有限,初步上望返5月底至6月初嘅支持水平大約27.5銀至28銀。
《編者按》本欄搜羅即市傳聞,惟消息未經證實,《經濟通》亦不保證內容之準確性。
華住未公布中期成績,但最新就「未見績先派息」,公布中期會派總額大約兩億美金息,每股H股派6.3美仙,每股ADS派出63美仙。同時宣布一項三年計劃,期內將會派出最多20億美金股息,每個財政年度嘅股息總額將唔會少於公司該年淨利潤嘅60%。同時,華住亦宣布一個五年嘅ADS回購計劃,比起之前嘅7.5億美金規模擴大至10億美金。
其實華住由5月以來都跌咗唔少,由高位33.55銀計,到今個星期一最低見過23.35銀,已經蒸發咗足足三成,難怪未出績都先行派息,仲再連埋加大回購嚟留著缸友。以走勢計,目前23銀邊係今年初嘅反彈浪底,現價其實都相當值博,有回購支持,再跌都有限,初步上望返5月底至6月初嘅支持水平大約27.5銀至28銀。
《編者按》本欄搜羅即市傳聞,惟消息未經證實,《經濟通》亦不保證內容之準確性。
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇