唔知大家呢期有無留意科技產品？博客本身都好喜歡留意科技界有咩新東西推出，剛好留意到，內地近期將5G上網、進化變成「5G－A」。
　　咩係「5G－A」？其實你當佢係「5.5G」就得，就好似以前4G變「LTE」咁，不過呢次「5G－A」行峰值速率從100Mbps提升到1Gbps，帶寬提升10倍，第日睇4K片或者下載任何東西，以前都可能話要半分鐘至幾分鐘，而家真係可以實行「秒速」。
　　不過咁，其實全球都爭緊頻譜科技話語權，好似外國幾個西方國家組成聯盟，共同開發6G技術，但暫時未知有咩「黑科技」；但內地「5G－A」已經開始落實商用階段，點睇都係中國快小小。
　　不過你認為「5G－A」只係提供俾人上網咁簡單？其實佢背後好大功用，例如無人車、無人機、物聯網之類，其實都需要比較信號強同時帶寬多嘅網絡進行定位。即係話，「5G－A」最大功用係幫到無人車上用話，聽聞深圳未來一年推一千架無人車出事情，包括的士及貨車。
　　所以話，呢個時候開始留意下電信股都差唔多啦，剛好中移動（00941）今日好似破左頂，去到$78.6，正所謂「高追勿估頂」，係今時今日全球人類都需要電信網絡嘅情況下，港股跌到咁而中移動股價都咁硬，你就知道呢隻有買貴就無賣錯。

《編者按》本欄搜羅即市傳聞，惟消息未經證實，《經濟通》亦不保證內容之準確性。

樂本健【雙11感謝祭】雙重優惠、多買多賞► 了解詳情