以下引述《AASTOCKS》新聞：「澳門政府向立法會提交《打擊非法賭博犯罪法》法案新文本，建議將換錢黨在娛樂場範圍的兌錢行為刑事化，最高判5年。至於一旦在娛樂場外不涉及供博彩的換錢業務行為，則以金融法律處以行政罰款；即使在娛樂場範圍外，只要經蒐證涉及博彩兌換，亦列為刑事。」
　
　　昨日（12日）賭股即刻急跌。今日（13日）就和大家看一下：
　
　　1. 根據澳門統計暨普查局數據，澳門有接近70%遊客係內地人，點解賭業收入咁低呢？係咪因為內地消費降級？其實人均消費係跌緊，近排酒店都無咩加價，朋友報料話小型賭場有100蚊枱，點解咁平？自己獨立思考，哈！

　　2. 賭收同疫情時候按年計，一定翻倍，所以無任何參考價值。

　　3. 計算賭業收入應該用2014年、2017/18年嘅高位嚟比較。依家月均賭收大概每個月180億至200億澳門元，同2014年高峰大概350億澳門元比，仍然差一大截。依家個數字，基本上係回到10年前，2015年打貪同一開始禁止用銀聯卡去賭場碌嘅時候。

　　4. 簡單啲諗，銀河娛樂(00027)2015年9月最低位19.02元，依家賭收相若，但仲有差唔多30元喎？咁係咪有30% downside（向下空間）？
　
　　5. 買股票睇前景，投資者覺得如果中國消費短綫有大嘅復甦機會，以及政策會放鬆畀人碌卡轉錢嘅，咁可能有得救。水清無魚，政策收緊一定會影響收益，這是必然的事情，不是對錯的問題。
　
　　便宜勿貪，必有妖孽。《南華金融集團副總監　莫灝楠》
　
*《經濟通》所刊的署名及/或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

《說說心理話》【驚恐症來襲】無預警發作...患者親身講述得病經歷及康復過程！必要時自己做一件事可幫到手！► 即睇