2023-11-23Text: 娛樂組Photo: IG
湯怡工人離職前整壞搵食架生!網友建議扣糧?湯怡:感謝對方兩年付出
湯怡與麥秋成在2年前誕下寶貝女「麥QQ」麥紫喬,當時兩人請了一名工人姐姐幫手照顧囡囡。轉眼間QQ已經2歲,而湯怡與工人姐姐的合約期亦將完結。不過在工人姐姐離職之前,竟然整壞了湯怡的搵食架生,令到她勁心痛,更在IG出po向網友求助!
湯怡在IG出po問:「當你姐姐臨走前,你發現佢整壞咗你心愛嘅焗爐,你會點?」她指事源是她在煮完晚飯後,叫工人姐姐幫手清潔爐入面啲油漬,「點知佢清潔埋我出面個電腦板!我幾年都唔會捨得買樣嘢送畀自己,部焗爐一啲都唔平㗎。我一路都好愛錫佢,我真係好傷心。」
有網友指都難以追究,建議她買過部新焗爐,湯怡回覆:「睇嚟大家都係隱形富婆嚟,咁易就話買部新㗎咩?我用咗5年都唔捨得換部新。」又有人指她可以扣工人姐姐的薪金,湯怡就笑言:「咁我要扣佢差唔多3個月人工。」
雖然工人姐姐離職之前整壞了焗爐,不過湯怡仍好感謝對方兩年來的付出。「呢兩年一定要多謝佢咁照顧紫喬就真嘅,佢幫咗我好大好大好大忙。佢算好唔話得,感謝你,要保重。」
轉載自: 晴報
【你點睇】巴黎奧運正式閉幕,今屆你感到最深刻的地方是?► 立即投票