【夠食一餐飯嗎？】三工會建議最低工資增至$40以上！

　　打工仔最關心嘅一定係人工！唔知大家又知唔知，最低工資委員會舉行嘅最低工資水平公眾諮詢已經喺噚日完結咗？小編聽講，三大勞工團體要求將最低工資水平由而家嘅每小時34.5元，喺出年調升到42.5元，甚至44元……

　　香港物貴，係人都知。按照而家嘅最低工資時薪（34.5元），一個基層員工就算每日做足8個鐘，月薪都係得個大槪7千幾元，試問又唔夠生活！有位73歲嘅保安員（秋叔）都話，佢1990年開始做保安，5年前加入而家任職嘅保安公司，人工一直都係得最低工資，「一個仙都唔會多」，所以每個月頂盡都係得8、9千元，「深水埗一個飯都要45蚊，港鐵又加價，點承受呢啲壓力呢？」

　　工聯會話，如果時薪得34.5元，一個人返工返足6日，每日8個鐘，得到嘅人工比起一個兩人家庭嘅綜援金額連租金津貼都仲要少超過1000元，所以建議將最低工資增加至42.5元。而職工盟亦批評過往嘅最低工資水平滯後通脹，提出要增加到44元先夠！

　　不過香港環境衞生業界大聯盟召集人甄瑞嫻認為，提高最低工資就一定要帶動成本增加，通脹亦會一咁而上升，到時打工仔即使人工增加亦得不償失。而香港物業管理公司協會會長陳志球亦表示，如果增加最低工資，會對中小企嘅管理公司影響最大，因為人工已經佔咗佢哋營運嘅8成開支，一旦最低工資增加至40元或以上，估計每呎管理費需加1至2元。

　　身為打工仔嘅你，又係點睇嘅呢？小編就趁機會睇下幾個香港人比較熟悉嘅國家／城市嘅最低工資（時薪），當中竟然發現……

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票

• 1
• 2