【報稅2018】綠色炸彈來襲！你不能不知的報稅大小事

　　對打工仔嚟講，5月最苦惱嘅事，莫過於收到由稅務局寄嚟嘅「綠色炸彈」！打開信封，望住密密麻麻嘅報稅表格，好多職場新手，甚至老手，都會唔知從何入手。今次就等小編教大家快而準地KO稅單啦！

 

 

咩係薪俸稅？

 

　　薪俸稅係按市民喺課稅年度嘅實際收入徵收，亦即每年4月1日至翌年3月31日期間嘅薪酬收入。而參考2017/18年度，薪俸稅嘅稅階由以往嘅4萬元擴闊至4.5萬元，最基本計算方式如下：

 

　　薪俸稅＝入息總額－扣除總額－免稅額總額

 

稅率

　　最初$45,000：2%

　　其後$45,000：7%

　　其後$45,000：12%

　　餘額：17%

 

自己計數計到一頭煙？咁就要試用下稅務局製作嘅簡單稅款計算機啦！ 

 

報稅Q&A

 

1. 我要報稅嗎？

 

　　如果你喺課稅年度嘅薪俸收入唔超過基本免稅額（年薪13.2萬元，即月薪1.1萬元），就唔需要報稅或繳納薪俸稅。但如果你收到稅務局發出嘅個別人士報稅表（BIR60），就算冇任何收入須申報，都要依時填好和提交報稅表。

 

2. 我有幾多免稅額？

 

　　免稅額直接影響你要交幾多稅，想知自己可以有幾多免稅額？首先要認識免稅額嘅種類和額度。

 

　　按目前法例（2017/2018年度）

 

　　－基本免稅額：$132,000

　　－已婚人士免稅額：$264,000

　　－子女免稅額 （每名計算）：$100,000

　　－供養兄弟姊妹免稅額：$37,500

　　－供養父母及供養祖父母或外祖父母免稅額（60歲以上或有領傷殘津貼）：$46,000

　　－供養父母及供養祖父母或外祖父母免稅額（55歲以上，60歲以下）：$23,000

　　－單親免稅額：$132,000

　　－傷殘受養人免稅額：$75,000

　　－個人進修開支：$100,000

　　－強積金：$18,000

　　－長者住宿照顧開支：$92,000

　　－認可慈善捐款：（入息- 可扣除支出-折舊免稅額）x 百分率：35%

 

3. 我有幾多時間填報稅表？

 

　　收到報稅表後，應該要喺發信日期計嘅1個月內交返報稅表。不過，你亦可以喺稅務局嘅網上平台「稅務易」開設個人帳戶，咁就可以自動獲延期一個月。切記，如果冇合理辯解而又冇按時交稅嘅話，可被罰款1萬元，及少徵收稅款三倍嘅罰款。

 

4. 寄報稅表前有乜要注意？

 

　　填好報稅表後，記得要貼足郵票，確保信件可以送返去稅務局。現時重量不超過30克嘅信件郵費為2元，50克以下就3元。另外，你亦可以喺信封面度寫上回郵地址，一旦有乜問題，都容易跟進處理返。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇