2024-09-09
張敬軒新「遮遮」報到!IG再晒騎呢早餐?貓造型Pancake超fail︰我選擇離開廚房
張敬軒(軒仔)過往曾經在社交平台分享「遮遮」(外傭姐姐)的超凡早餐而引起網友熱論,網友們都好擔心軒仔的健康之餘,大家都被遮遮的早餐驚嘆到笑爆嘴。不過自從軒仔安排父母來港一齊生活後,情況似乎略見改善,不過近日有新「遮遮」報到,早餐款式再次帶來驚喜。
近日,軒仔久違再次分享自己的早餐,原本只是想交代出席活動的時間改動,沒想到引起網友們的關注。他的早餐有兩塊Pancake,其中一塊是熊仔頭造型,相當可愛。隨後,軒仔見大家反應踴躍,忍不住再分享多一張,他留言說:「睇見咁多人對啱啱個塊餅咁有興趣,送多一張畀大家......呢一份係佢整嘅第一份,我問佢佢想點,佢話佢想整隻貓,我話呢隻係隻蟹,佢堅持係話貓,然之後我選擇離開廚房。佢係新嚟嘅,叫Grace! #AmazingGrace」見軒仔分享的「貓貓」Pancake的確有少少騎呢,貓耳不成形之餘,貓鬚都甩頭甩骨,十分搞笑。
轉載自: 晴報
【你點睇】當局擬放寬九龍東商業區土地用途,有議員認為應推廣至全港都開放些少,你是否認同?► 立即投票