2024-06-14
顏國樑昨設靈遺孀與梁思浩哭成淚人!好友黃良昇大讚顏國樑好堅強:知佢好辛苦、好痛
資深藝人顏國樑前年自揭患上第三期鱗狀細胞癌,導致聲帶失去低音,接受化療及免疫治療後,情況轉趨穩定,可惜5月25日晚因肺炎引致呼吸困難而離世,終年71歲。好友鄧英敏翌日代發表死訊,「我們痛心地宣布,顏國樑師傅已經離開了我們。永遠懷念你對影視界的貢獻,為我們留下過美好的回憶,衷心感謝你!」家人為顏國樑昨日低調設靈。
TVB娛樂新聞台到靈堂採訪,顏國樑太太霍潔貞為亡夫設靈,喪禮以佛教形式舉行,靈堂橫匾寫上「往生淨土」四字,而圈中好友都有送上花圈致哀,當中包括薛家燕、關禮傑、翁靜晶、王書麒及許秋怡等等。顏國樑的遺孀霍潔貞披麻在現場打點一切,神情哀傷,好友兼Blue Jeans成員黃良昇及梁思浩都有到場致哀,思浩主動上前向霍潔貞送上擁抱慰問,沒想到最終兩人齊齊哭成淚人。
黃良昇跟顏國樑夫婦向來是好朋友,黃良昇接受訪問時形容顏太:「喊到收唔到聲」他續言:「顏國樑好鍾意笑,個人好開心,成日講笑話未講完就自己先笑,好過癮!估唔到有呢個煎熬,病係個個都唔想,但我感覺到佢好堅強。」他表示顏國樑患病後期因聲帶變異成為女人聲,令他大感不習慣,但仍然繼續開玩笑,「我知佢好辛苦、好痛,但佢仍然繼續同我講笑。人生好無常,個個都要經歷,但佢畀我感覺好堅強,呢幾年唔係簡單。(佢遺願?)我知佢好鍾意音樂,佢成日同我講最遺憾係唔識彈結他,其實佢識識哋,有一日帶埋結他去教佢,但佢好辛苦,因為手冇力,結他拎都拎唔起,但我盡量拎畀佢,等佢減下壓,我知佢彈唔到,但算盡一點綿力囉!」
今年4月底顏國樑帶同闊別熒幕30年的太太霍潔貞罕有現身接受梁思浩節目《直播靈接觸》訪問,講述年初走過鬼門關一事時,更感激太太為他成功續命,離開15日昏迷的狀態甦醒,當日節目直播時,顏國樑精神奕奕,沒想到不足一個月時間就撒手人寰,圈中好友們都大感惋惜。
轉載自: 晴報
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票