2023-02-23
拍《斷網》夥林家棟打鑊甘 郭富城預告60歲前做導演
【晴報專訊】現年57歲的郭富城(城城)繼上映中的電影《風再起時》後,他與林家棟主演的《斷網》亦將在下月九日上映。戲中,城城化身網絡保安達人,與反派上司林家棟穿梭網絡與現實世界鬥智鬥力。城城預告將來自導自演一齣時裝復仇片︰「我構思劇本都用咗八年,希望60歲前開拍!」
城城飾演IT達人,一臉滄桑男人味滿分。
《斷網》以科網世界為主題,因黑客入侵金融機構引發重大網絡危機,打破港產動作片一貫飛車捉賊的傳統模式。不過,郭富城卻指拍《斷網》是他近年打得「最甘」的一次︰「劇情講家棟同手下對付我,捉咗我有先天性心臟病嘅囡囡,我喺中環大館打咗七日,親身上陣拍動作場面。開工頭兩日未適應,我都拍到有啲輕傷同瘀晒,辛苦程度唔差得過喺《西遊記•女兒國》扮孫悟空,甚至再辛苦啲,要做好多保護措施。」
呻肖像被盜苦無對策
另一男主角林家棟透露,他拍攝《斷網》期間,同時趕拍另一部電影《惡行之外》。他拍《惡》片時弄傷鼻子,看完醫生便要趕往開工,頂硬上跟城城拍攝打戲:「我一傷完鼻去咗睇醫生,同事覺得《斷網》當晚拍攝會取消,我話鄭保瑞(《斷網》監製)一定唔會,結果佢真係話諗到點拍,叫我繼續去開工!」不過,家棟特別感謝拍檔城城「就住」打,同時感恩可用電腦「執走」鼻子的傷勢,「CG係最偉大發明!」城城則笑說︰「嗰場戲我哋係要喺好窄嘅地方,去搶對方嘅槍,又要用真力。」提到《斷網》以科網世界作主軸,城城認同開創港產片先河︰「今次係好新嘅題材,好天馬行空,以劇本呈現新角色同多元空間,如果觀眾鍾意,日後可以再拍多啲呢類戲。」
現實中的家棟只會用手機睇片及睇劇本,笑言被騙機會微乎其微。
談及網絡安全,現實中城城亦是網騙受害者之一,例如「郭富城失去了一切」的網絡詐騙帖子瘋傳,他坦言︰「講起呢樣嘢就好激氣,我被盜用肖像,放上網話我係某個賭場代言人;最離譜係盜用我張相叫人買Bitcoin(比特幣),就算向有關部門投訴,但暫時未有法例監管,呢個問題沒完沒了,所以我想話畀粉絲知道,如果無我真實認證,所有見到我喺網上嘅嘢全部都係假!」城城近日更為警方拍攝「防騙視伏App」廣告,借自身經歷警惕市民。至於家棟笑言電話甚少安裝應用程式︰「我除咗聽歌、睇片睇劇本,其他嘢都好少,我無用網上理財,就連電話理財都少用!」他笑言本身亦甚少用WhatsApp聯絡,寧願打電話聽到對方聲音。
近年網絡騙案不絕,同是受害人的城城近日為「防騙視伏App」拍廣告。(網上截圖)
另外,問及二人日後會否以幕後人身份再度合作,他們異口同聲指必有機會。城城表示︰「無嘢係無可能,我哋私底下都有傾電影,唔會係《斷網》呢種題材嘅戲。」他自言希望60歲前開拍首次執導的作品,「我構思劇本都用咗八年,呢部電影會係時裝復仇片,入面包羅萬有,有動作、愛情、親情元素,呈現自己嘅世界觀。」城城直認除了出任導演,亦會親身演出,全因角色複雜,令人期待。身旁的家棟亦期望助城城一臂之力,笑言︰「上我公司傾啦!」
轉載自: 晴報
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇