2022-12-30
爆炒股蝕半億 肥媽呻義氣累事︰好肉赤
【晴報專訊】將於下月尾、農曆新年期間開騷的肥媽(Maria Cordero),最近自揭曾炒燶股票勁蝕5,000萬元。日前她接受《晴報》訪問時重提此事相當無奈,自認義字行頭,故信錯朋友︰「依家諗番都好肉赤,我有義氣,點知被朋友搵笨!」
肥媽經常在網上開直播,其YouTube頻道訂閱人數已突破20萬。
69歲的肥媽近日正密鑼緊鼓準備下月27、28日,假紅館舉行《肥媽面對面演唱會》。近日為個唱宣傳時,她披露在2016年完成告別演唱會後,卻因炒燶科技股慘蝕5,000萬,投資股票的股價竟由八元跌至八仙,最後更停牌,令她血本無歸,故她要復工撲水。日前她接受本報訪問,對於當年被騙的慘況依然歷歷在目。一向是義氣仔女的肥媽坦言︰「最衰自己信錯人,我個朋友話自己揸咗嗰隻股票嘅80%(股份),話輸咗會賠番畀我!」不過最後該名朋友申請破產,肥媽也不便追討經濟上的損失。
今年五月肥媽(左)孖李麗霞(黑妹)網上開騷,以學生妹造型唱歌。
不停開工賺錢最安心
肥媽擁有不少海外物業,早前介紹其位於沙巴的三千呎複式豪宅。
肥媽自言料不到朋友「唔熟唔食」,她表示︰「我有義氣,點知被朋友搵笨!(跌得好痛?)梗係!咁大筆錢,不過我都好好彩唔係炒孖展,如果我炒孖展會死呀!當時股市暢旺,5,000幾萬咁就無咗,依家諗番都仲好肉赤。」肥媽又指原本擁有過萬呎的辦公室,亦因股票失利而出售套現,但幸好所有海外物業早已供完。經此一役,肥媽復出積極工作,「當年一宣布退休,無咗老公(過身)又無埋啲錢,所以依家一得閒就做(工作)!」又認為上天也不想她退休。她自言雖然蝕了錢,幸好還有健康,可以繼續工作及散播正能量。
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇