南丫島慶生遇驚險事 洪永城準備迎接「洪寶寶」

　　【晴報專訊】洪永城（Tony）和太太梁諾妍（Inez）的愛情結晶品「洪寶寶」快將出生，Tony昨日出席活動時，坦言心情緊張又興奮。前日38歲生日的Tony，透露與太太到南丫島慶祝時，太太突然肚痛，幸好最後只是虛驚一場。

 

C君和Tony都期待新劇會安排在免費台推出。

 

　　洪永城、鄭詩君（C君）、鄭俊弘等昨日出席《凶宅清潔師》記者會，劇集將率先於myTV SUPER播出。兼任監製及演員的Tony及C君，對劇集相當有信心，並透露《凶》劇由籌備到完成，歷時足足三年。

 

Tony與Inez的愛情結晶品即將出世。（IG圖片）

 

　　另外，Tony透露昨早陪太太梁諾妍產檢，得知BB女將於一至兩星期內出世，現時心情十分緊張，但依然難掩做爸爸的喜悅。目前正拍攝《法證先鋒V》的Tony，表示已跟劇組請假兩星期，希望能陪伴太太Inez生B，他說︰「始終女人生BB嘅情緒好緊要，依家BB女仲未改名，會等佢出世之後交畀師傅改，我哋暫時叫佢乳名『洪寶寶』。」C君即取笑Tony︰「點解唔叫『洪寶仔』？」Tony甜笑道︰「我本『紅簿仔』一早交咗畀太太。」

 

傅嘉莉戴10件法器拍劇

 

　　提到Tony前日38歲牛一，與Inez到南丫島享受最後一個二人世界的生日，Tony表示︰「雖然出年嘅生日會多咗一個人，但係只要有太太同個女喺身邊，每一年生日都會好開心。」他又分享當日到南丫島的驚險事︰「同老婆散步期間佢突然間話肚痛，開頭我都好驚，叫佢『唔好痛住呀，呢度南丫島嚟㗎』，好彩後尾穩定咗。其實成件事好安全，BB嘅狀態亦都好穩定，大家可以放心。」

 

Kelly直言拍劇期間不敢去廁所。

 

　　同場的傅嘉莉（Kelly）表示，拍攝《凶》劇前原以為是廠景及搭景拍攝，但後來得知要到荒廢學校及軍營實景拍攝，一度想辭演，她解釋︰「因為我係敏感體質，好容易對靈異嘢有反應，但係又覺得呢個題材好吸引，所以開拍之前我搵師傅攞咗啲法器，拍嘅時候戴咗十件小法器喺身，結果真係無任何唔妥。」

 

轉載自: 晴報

• 

【etnet 30周年】多重慶祝活動一浪接一浪，好禮連環賞！ ► 即睇詳情