曾被剪走劉海險變八両金 Anson Lo盧瀚霆嬲足爸爸1個月

　　【晴報專訊】男團MIRROR成員「教主」盧瀚霆（Anson Lo）向來靚仔有型，昨日他為商台節目《早霸王》任嘉賓，自爆從小已十分貪靚，尤其對髮型特別執着，但某年暑假竟被任職髮型師的爸爸剪走劉海，結果他嬲足爸爸一個月，認真搞笑。

 

Anson Lo在大氣電波搞笑呼籲聽眾，不要取笑別人的髮型。（IG圖片）

 

　　盧瀚霆昨日為森美、阮小儀及Marco主持的《早霸王》任嘉賓，大爆自身小秘密。Anson Lo表示與家人感情要好，多年來只試過一次與爸爸不和，原因竟與自己的髮型有關。Anson Lo說︰「爹哋係髮型師，我記得中一、中二暑假時，當時覺得留長啲蔭遮住隻眼，感覺好靚仔，所以同爹哋講剪短少少就OK。點知佢將我成pat蔭剪晒，我當時仲要瞓着咗！我醒番見到呆咗，結果一個月無同爹哋講嘢。」

 

Anson Lo與父母及胞姊的感情非常要好。

 

　　Anson Lo笑言當時整個暑假都要戴帽示人，更特地買了活髮洗頭水，希望劉海盡快留長。主持們問到當時劉海剪得有多短？Anson Lo重提時依然激動︰「剪到（露出）額頭一半以上！」森美即笑說︰「咁咪似八両金？」問到何時才嬲完，Anson Lo說︰「結果一個月後見到啲蔭『有希望』，先同爹哋講番嘢。」他大讚父親屬於溫文爾雅的類型，當時父親非但沒有生氣，更安慰他說︰「其實個頭都無乜嘢吖。」令他哭笑不得。

 

IG寫長文自爆壓力大

 

（左起）MIRROR四子Alton、Lokman、姜濤及Tiger昨日齊齊歎燒肉。（IG截圖）

 

　　另外，Anson Lo前晚在IG撰長文，坦承最近因忙於拍電影、準備下月演唱會而深感壓力︰「坦白的說，最近一個月的壓力頗大。每天都十分感恩能夠擁有這些機會去嘗試…同時也會害怕，害怕令家人失望，害怕令大家失望，亦可能因為這個擔憂，令自己長期處於『不放過自己』的狀態。」所以他特地寫長文為自己及神徒（粉絲）打氣︰「致每一位為生活而奮鬥中的你，記住我也在和你一起打拼中！」

 

轉載自: 晴報

• 

【你點睇】「走塑令」第一階段半年適應期完結。這半年適應期，你對「走塑」、使用紙製或木製餐具適應了嗎？► 立即投票