星二代開學 Lucy媽咪喊晒︰好似無咗個女

　　【晴報專訊】昨天開學日，圈中不少星級爸媽陪同子女上學，當中李璨琛女兒李元元（Lucy）昨日正式讀幼稚園，Lucy首日返學表現堅強無喊，相反媽咪梁志瑩（Sophia）因不捨愛女而感到傷心寂寞，相信是不少父母的心聲。

 

Lucy在媽咪陪同下，開開心心返學。（IG圖片）

 

　　一眾星二代已陸續開學，繼熊黛林一對孖女、單文柔女兒「小豬比」及車婉婉囝囝「BBQ」後，李元元及陳敏之囝囝雷子樂亦正式開學。三歲的Lucy昨日首日返幼稚園，媽咪梁志瑩為愛女拍下校服look靚相留念，相中的Lucy滿臉笑容派「手指心心」，十分興奮，但Sophia心情卻完全相反，她留言︰「李元元同學正式第一日返學，李元元梗係完全無想喊嘅迹象，反而李老母就真係好想喊！由今日（昨日）起，李元元晏晝唔再喺屋企同佢玩或者畀佢玩，佢成個人覺得好寂寞又傷心，覺得自己好似無咗個女咁呀！#老母以為自己好有型最後竟然唔捨得個女要返學」，一字一句道出失落心情。

 

穿上運動校服的Lucy身形圓碌碌，十分可愛。（IG圖片）

 

陳敏之為囝囝打氣

 

陳敏之昨日親自送囝囝雷子樂回幼稚園。（IG圖片）

 

　　另外，陳敏之前日專程送囝囝雷子樂返學，她留言︰「K2開學啦！第一日返學開心到不得了！校園生活對小朋友嚟講真係好重要，你又大個仔啦！好好享受好好學習尊師重道，繼續做個充滿愛嘅小朋友。」兩母子在車上拍片，子樂表示升K2十分開心，心情緊張又期待，之後母子咀嘴，敏之為他打氣︰「加油阿仔，have fun！」完全沒有離愁別緒。

 

轉載自: 晴報

• 

【與拍賣官看藝術】畢加索的市場潛能有多強？亞洲收藏家如何從新角度鑑賞？► 即睇