AK@MIRROR唔抗拒代言內褲 Tiger避談緋聞女友余潔滢

　　【晴報專訊】人氣男團MIRROR的隊長楊樂文（Lokman）、副隊長江「火畢」生（AK）和「忙內」邱傲然（Tiger），昨早到中環出席首飾品牌的發布會，吸引逾300個粉絲到場支持，雖然活動在清早舉行，但三子依然有親切笑容，又不時跟粉絲揮手。

（左起）AK、Lokman和Tiger對於出任產品代言人，來者不拒。

　　對於MIRROR橫掃多個品牌代言，Lokman笑言︰「仲有ERROR！之前（市道）靜咗太耐，大家出嚟開心一下，唔介意『多啲嚟，密啲手』。」他和AK直言最想做房車的代言人，最理想是維修、裝飾一條龍。問到近日在社交網曬肌的AK，可會挑戰代言內褲品牌？他直言並不抗拒，Lokman就打趣反問︰「係咪要好似啲巨星擺甫士，挨住影黑白相嗰啲呀？哈哈！」十分搞笑。

余潔滢孖住媽媽欣賞MIRROR演唱會，與Tiger並排合照。（資料圖片）

　　另外，問及Tiger可有送首飾給緋聞女友余潔滢？AK即插嘴幫兄弟解圍︰「我阿媽生日喎，你揀咗禮物畀佢未？」Tiger最後尷尬說︰「佢（余潔滢）比較男仔頭，應該唔鍾意呢啲，送運動用品比較適合。」而Lokman表示會帶同女友Luxi一起揀選首飾，他笑言曾買了女友不太喜歡的款式，滿以為製造驚喜，卻換來對方冷淡回應。AK就透露曾向前女友送手鈪和頸鏈，問他是否想箍實對方？他笑言︰「箍實就送戒指啦！」

活動吸引大批粉絲到場，有粉絲表示凌晨四點已前來排隊。

轉載自: 晴報

【香港好去處】etnet全新頻道盛大推出！全港最齊盛事活動資訊盡在掌握！► 即睇