太太祝福洪永城結婚被罵酸爆 蕭正楠護黃翠如︰有心人解讀

　　【晴報專訊】洪永城（Tony）上周宣布與梁諾妍結婚，Tony好友黃翠如開心得撰長文祝福一對準新人，但網民批評翠如行文間感覺似酸溜溜，又指她應考慮梁諾妍感受。翠如老公蕭正楠（Edwin）昨日宣傳劇集《一笑渡凡間》時，強調翠如只是當Tony如弟弟般看待，若網民要誤解也無辦法。

 

蕭正楠對太太黃翠如被網民抨擊大感無奈。

 

　　蕭正楠昨日出席宣傳活動時，提到太太黃翠如寫文祝福洪永城，但卻被網民批評矯情又有酸味，Edwin苦笑說︰「Tony真係好剋佢（翠如），佢哋喺埋一齊都無好事發生。其實大家睇完文章，應該明白個意思，唔係踩Tony又唔係宣洩啲乜，（翠如）當佢好似細佬咁，咁多年來見佢曳過，依家有個咁好嘅太太而有啲感觸，寫多少少字，總之我哋四個知道係無任何意思，太太都覺得Tony大個仔，唔好辜負身邊呢一個咁解啫。」

 

洪永城宣布迎娶梁諾妍，外界大讚襯到絕。

 

　　問Edwin可會叫翠如以後發文小心一點？Edwin說︰「有心人去諗另一個意思，甚至誤解都無辦法，但唔可以因此而唔發文，唔可以因為咁放棄自己嘅人生，應該繼續做。」至於Edwin與翠如早前在跑步短片中分別做了「六」及「四」的手勢，因而捲入政治議題，Edwin明顯有備而來，叫記者錫住自己。他解畫︰「呢啲事在所難免，大家只cap嗰一秒都控制唔到。其實大家睇片都知道咩事，我同翠如一直喺IG紀錄跑步情況，真係三個幾禮拜都無停過，每日朝早六點起身跑一個鐘。」他坦言十分無奈︰「其實段片無話表達任何意思，只係enjoy跑步同影相作為紀念，但啲人要誤解我都無辦法。」

 

跑步手勢被誤解感無奈

 

黃翠如早前與蕭正楠跑步時舉數字手勢，惹來網民誤會。

 

　　此外，《一笑渡凡間》將於本周大結局，Edwin表示得知有小學生喜歡他演的濟公︰「呢部劇主旨都係導人向善，好有教育意義。」他笑言拍攝前以為會經常穿濟公的服裝︰「點知去到最後一集先變身，希望原班人馬拍續集啦！」

 

轉載自: 晴報

• 

樂本健【年度感謝祭】維柏健及natural Factors全線2件7折► 了解詳情