2020-07-03
馬明羅天宇新歡舊愛同框 湯洛雯:好朋友無芥蒂
【晴報專訊】湯洛雯(靚湯)與馬國明「蜜認」拍拖後,前晚結伴出席無綫高層樂易玲的生日派對,但席上巧遇靚湯前男友羅天宇。面對新歡舊愛同場,靚湯昨日回覆《晴報》時強調雙方沒有芥蒂,就連馬明亦大方回應︰「點會有嘢呀?大家都大個仔喇!」
雖然羅天宇在前,但靚湯仍小鳥依人靠在馬國明身上。(IG圖片)
「明湯戀」曝光後,馬國明與湯洛雯愈愛愈高調,不時甜蜜外出,又換上情侶社交網公仔頭像曬恩愛。前晚,「明湯」拍拖到西貢匡湖居,出席樂易玲61歲生日派對,其他出席的小生花旦包括蕭正楠、黎諾懿、黃智雯及朱晨麗等,更有不少藝人情侶檔,如袁偉豪與張寶兒、鄭俊弘與何雁詩、楊明與莊思明等。而緋聞四角戀余德丞、胡鴻鈞、蔡思貝及麥秋成亦罕有同場,樂易玲認真夠面子。
馬明與靚湯認愛後獲得全城祝福。
但全場焦點落在認愛後再次公開同框的馬明和靚湯,大合照中,靚湯一臉冧爆依偎在馬明膊頭,但兩人前面竟是靚湯舊愛羅天宇,完全沒有避忌。靚湯昨日回覆本報時說︰「大家都係好朋友、好同事,完全沒有芥蒂,謝謝。」至於馬明亦回應︰「吓,梗係無嘢啦,點會有嘢呀?大家都大個仔喇!如果大家覺得有嘢嘅話就諗多咗,多謝關心。」
傳戀「姜子優」蘇皓兒
靚湯與羅天宇再見亦是朋友。
靚湯與羅天宇於14年因合作拍攝《愛.回家》撻著,相戀四年後分手。如今「明湯」愛得甜蜜,而羅天宇亦被指與熱播劇《那些我愛過的人》中飾演姜子優的蘇皓兒傳緋聞,與靚湯在感情上各自有著落。
轉載自: 晴報
樂本健【秋日開倉26 - 27/9】保健品低至$20!► 火速行動