2020-05-20
傳舊愛好事近 岑杏賢唔會同袁偉豪鬥快結婚
【晴報專訊】岑杏賢(Jennifer)16年跟袁偉豪分手後,今年二月認戀加拿大籍金融才俊Kelvin,拍拖大半年感情穩定。對於舊愛袁偉豪與女友張寶兒花近7,000萬元聯名買豪宅,更盛傳將於年尾結婚,Jennifer昨日說︰「我都唔知佢係咪結婚。」
岑杏賢有意與男友一起買樓。
岑杏賢昨日與郭田葰、區永權出席無綫新節目《恐怖真相》記者會,她透露在節目中將會充當「白老鼠」,試飲七款用不同質料的鑊所煲出來的「鑊底水」。Jennifer表示︰「唔同質料嘅鑊,煲出嚟嘅水有唔同味道,有啲係生鐵味,有啲甚至係坑渠味,真係飲到嘔。」
袁偉豪曾與岑杏賢拍拖三年。
她自爆一拍完節目,忍不住花了萬多元,將自己家中的廚具換走:「連男朋友屋企嗰啲都換埋。」只要和男友同居,便可以慳回一筆?她說︰「可惜已買咗兩套,不過我哋都有(同居)呢個計劃。(要快過袁偉豪結婚?)結婚唔應該同人鬥快慢,我都唔知道佢係咪結婚。」
郭田葰變「人肉診所」
郭田葰曾拍片上網教防疫。
郭田葰與Jennifer一同主持《恐怖真相》,入行前任職急症室醫生的郭田葰,表示在疫情下,不少友人紛紛請教他相關資料:「我由十個『問診』短訊增加到接近30個,做咗『人肉診所』。」另外,無綫新聞台日前誤報K3至小三不復課,身為家長的區永權即求網民幫手fact check,他昨日說︰「其實都唔算被騙,家長緊張復課消息都正常,知道咗就OK。」
區永權自言抗疫期間負責教兒子功課。
轉載自: 晴報
【香港好去處】etnet全新頻道盛大推出!全港最齊盛事活動資訊盡在掌握!► 即睇