張智霖明年四月再闖紅館

　　【晴報專訊】張智霖（Chilam）昨日出席動畫《Pet Pet當家2》首映禮，再度聲演主角小狗「阿麥」的他，透露太太袁詠儀（靚靚）及兒子張慕童都有捧場。Chilam更即場宣布已落實明年四月在紅館舉行巡唱。

張智霖大讚動畫《Pet Pet當家2》故事感人。

　　張智霖謂對上一次踏上紅館舞台開騷已是2014年，他表示：「今次係世界巡迴演唱會，香港係首站，但未決定幾多場，最重要做到每場100分，我覺得開三、四場都OK。」

　　Chilam和靚靚近年經常參與內地綜藝節目，在內地擁有大批粉絲。不過兩夫婦早前在內地出席晚宴，席上被一批賓客站在後排強行合照，事後，Chilam在社交網po相留言：「我喜歡這張照片，簡單，粗暴，站在你後面就必須合作合照，謝謝你們讓我吃了一頓不安樂茶飯，為我的減肥計劃又邁進一步。」

轉口風否認不快

Chilam與靚靚在內地活動進餐時不停被集郵，非常無奈。

　　問他當日是否發生不愉快事件？Chilam解釋︰「其實就無，講下笑啫，你知我啲幽默感幾咁黑色㗎喇，絕對無不愉快事件。（當時情況混亂？）又唔係好混亂，可以接受。當時我食緊嘢，驚佢哋影出來唔滿意，可能會有啲反眼，唔知望咗去邊，同人合照都想自己個樣好睇啲嘛。（經常遇到呢啲情況？）經常都會遇到，自己都盡量令個樣唔好太衰，因為影到張相唔好睇，會流傳好遠同好耐。」Chilam再強調沒有感到不愉快，避免事件繼續發酵。

轉載自: 晴報

【你點睇？】民主派初選案，45名罪成被告判囚4年2個月至10年不等，你認為判刑是否具阻嚇作用？► 立即投票