恨迪士尼開騷 小春爆囝囝獻出第一次

　　【晴報專訊】陳小春昨日為其即將在成都舉行的演唱會排舞，由於今次騷名以囝囝Jasper的金句「Stop Angry」為名，所以Jasper屆時將首次睇騷並親身支持爸爸。

Jasper將會首次現場欣賞小春的演唱會。

　　已有十年沒有舉行個人演唱會的小春，數天後便要到成都踏台板，他透露只綵排了一個月，而今次個唱會有一part父子情環節，但就不會安排Jasper上台，小春表示：「佢第一次睇騷畀咗我。」至於Jasper可有跳舞天份？小春表示︰「佢鍾意郁但唔鍾意跳，最鍾意游水。」

陳小春為其即將在成都舉行的演唱會排舞

　　問到會否巡迴返港？小春直言︰「點會唔想返嚟香港做呢？我上年七月同黎明、張智霖喺中環海濱做過一次，真心覺得型；第二個場地就係迪士尼，唔明點解台灣人（五月天）有機會，反而香港人都無機會做。」

轉載自: 晴報

《說說心理話》關於「沉迷成癮」：點預防同戒甩鋪癮？最重要改變一樣嘢！追星都算成癮？► 即睇