2018-09-14
新歌頌媽媽偉大 田蕊妮憶亡母眼濕濕
【晴報專訊】田蕊妮(阿田)的媽媽兩年前去世,當時阿田悲痛欲絕,最近她重返錄音室,為個人大碟錄歌,其中一首新歌紀念媽媽偉大,她看過歌詞已經爆喊,所以至今仍未錄完,她表示現已收拾心情,希望能順利完成錄音。
阿田最近雖然不用拍劇,但工作依然忙碌。
田蕊妮(阿田)到商台宣傳新歌《兩口子》,計劃於年底推出Hi-Fi碟的她,透露目前正趕緊錄製新歌,更表示要衝破心理關口︰「因為首歌係以女兒身份講媽媽,令我諗起我同媽媽,我喺媽媽最後嗰幾年貼身照顧,關係好親密,雖然自己未做媽媽,但令我明白到做媽媽有幾大愛、偉大、無私。」她自言錄音時太投入,未能控制情緒,所以一直未錄好︰「總會有一日錄完,希望下次可以一Take過。其實首歌係開心歌,只係上次喊到聲都爛!」
談到媽媽,阿田不禁眼泛淚光。
阿田除了為新碟錄音,她透露正籌備全新綜藝節目,暫名《女人40》︰「節目會有10集,係講女性到40歲面對嘅問題,以半真人騷形式拍攝。自己做主持,會邀請嘉賓,同埋有素人參加,已經開始構思題目,希望做好啲。」
赴泰國慶祝生日
將於本月28日41歲生日的阿田,已計劃與老公杜汶澤及朋友到泰國四日三夜慶祝,何不享受二人世界?阿田解釋︰「阿澤都係咁講,但既然去就成班人去會開心啲,同啲朋友都講咗幾年一齊去玩,今年終於成事。」
轉載自: 晴報
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票