銀行網上廣告玩轉《大時代》 「丁蟹」鄭少秋神話再現

　　【晴報專訊】近日Citi Hong Kong找來無線神劇《大時代》的代表性人物鄭少秋（秋官）和羅樂林拍攝網上廣告。該劇去年在深宵重播全城翻煲，二人今年攜手化身劇中人物丁蟹及葉天，向股評人胡孟青問「冧巴」。昨午30秒的廣告trailer在銀行FB專頁發布，短短半日已錄得12萬點擊，不少視迷激讚idea好掂又夠經典；有人卻驚秋官效應重臨累街坊！

 

 

　　回帶去年四月，當時全民皆股下，股巿癲鳳鬥狂龍，無線食正熱潮在深宵時段重播92年作品《大時代》。以股壇風雲起跌為背景的《大》劇成為股友的精神食糧，瞬間掀起煲劇熱潮。劇中主角鄭少秋（丁蟹）、劉青雲（方展博）、邵仲衡（大佬孝）等人氣爆升，成為一時佳話。相隔一年多，近日有銀行找來秋官及羅樂林出山拍攝網上廣告《股壇新時代》，二人分別以丁蟹及「股神」葉天的造型亮相，片中的出巿代表亦穿上紅色背心，重演《大》劇的經典場面。

 

「丁蟹」秋官甫出場即展現霸氣一面，直指股票會像火箭一樣飈升。

 

求青姐畀靚「冧巴」

 

「丁蟹」和「股神」向著名股評人胡孟青索取買股「貼士」。

 

　　然而，今次最爆卻是邀得以金句「你玩股，股玩你」聞名金魚缸的股評人胡孟青粉墨登場，她更在片段中拋出對白「真免佣」，似硬銷銀行的股票買賣服務。至宣傳片後段，秋官與羅樂林齊齊化身散戶求青姐指點迷津：「喂！畀個靚冧巴嚟啦！」結尾秋官慷慨激昂大喊「勁揪」，令網友笑爆嘴。

 

羅樂林在廣告中「自抽」24小時連死五次，仍「奇蹟」在生。

 

　　事實上，《大時代》充滿港人的集體回憶，難得秋官和羅樂林的外形跟24年前相比，也未見走樣，全城超期待廣告片正式曝光，等睇三大高手擦出火花；另一方面，有人卻深怕搵錯藝人拍錯片，憂慮秋官效應再現「缸」湖。

 

 

 

 

轉載自: 晴報

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇