2023-09-04Text: Kennis Wong
麥當勞咖啡停售惹熱議!盤點10大消失的麥記美食!咖喱漢堡賣相醜?仲有發泡膠杯雞蓉心星湯、彩虹新地筒、碟頭飯?即睇你食過幾多款!
麥當勞突然宣佈於今晚(9月4日)6時起不會再發售凍或熱優質濃香咖啡及優質即磨咖啡,令一班每個早上都要買一份早餐配咖啡的打工仔叫苦連天!後來官方補充,原來只是暫停12小時,用作升級店內的咖啡機、咖啡豆配方及員工訓練,原本配早餐的優質讓,明天起由McCafé咖啡「接棒」,大家於早上起就可以免費升級套餐飲品為McCafé即磨黑咖啡,更加推同日起至9月8日一連四日早餐優惠「$10試飲熱McCafé Latte即磨鮮奶咖啡」,讓一班咖啡迷試試新口味。咖啡突然「消失」12小時,令很多粉絲如我,都立時諗起很多「麥記」消失的食物!即睇你記得幾多款?
麥當勞消失美食 ︳ 1. 雞蓉心星湯:冬天必備熱辣辣湯品
大家幫襯快餐店都講求「快、靚、正」,一個暖暖的包幾分鐘就可以吃完,但原來曾幾何時香港麥當勞推出過熱呼呼的湯!在網上還找到1989年的廣告,已是34年前的出品!其中最令大家懷念的就是雞蓉心星湯及字母湯,網民們說麥當勞以發泡膠杯保溫,冬天喝一流!
麥當勞消失美食 ︳ 2. 呍呢拿奶昔:停售十多年後曾再推!比新地筒更早出現?
麥當勞的朱古力及士多啤梨奶昔大受歡迎,口感綿滑之餘,味道都算濃郁,士多啤梨味假得來勝在有回憶味道!原來多年前曾有雲呢拿口味奶昔,還在1975年就出現,比新地筒更早推出市面!麥當勞曾在2019年、即停售10多年後短暫重推雲呢拿奶昔,更以$4就能回味,不少人立即重拾童年回憶!
(圖片來源:McDonald's Facebook)
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票