即時新聞

　　《鍾之日記》８月２７日，香港天氣：晴。香江魚缸：升。祖國股市：跌。　　　隔夜美股個別發展，道指創即市和收市歷史新高，納指、標普收挫。拼多多ＡＤＲ績後大跌近三成，拖累港股電商股。恒生指數今早低開，一度失守１００天線，午後倒升，恒指全日收報１７８７４，升７５點或０﹒４％，主板成交超過９１９億元。　　滬深股市偏軟，滬綜指全日窄幅波動，收跌０﹒２４％，止兩連升，收報２８４８﹒７３點，ＡＩ眼鏡、華為海思、房地產板塊跌幅居前。深成指全日挫１﹒１１％，創業板跌０﹒９４％，兩指數盤中均觸２月以來新低。兩市成交再縮至５１１５億元人民幣，較上個交易日減２﹒８％。　＊拼多多急瀉拖累，阿里京東跌多多＊　　　中國電商巨頭拼多多公布第二季業績令市場失望，公司還預告受到ＴｉｋＴｏｋ與阿里巴巴（０９９８８）競爭影響，未來盈利將下降，拼多多美股大跌約２９％，是其２０１８年上市以來的最大跌幅。這一跌，讓兩周前才剛登上中國首富寶座的拼多多創辦人黃崢身家蒸發１４１億美元。彭博億萬富翁指數最新數據顯示，黃崢登上在中國富豪榜首位１８天後，跌落至第四名，淨值為３５２億美元。農夫山泉（０９６３３）創始人鍾睒睒以５００億美元重登榜首。　　拼多多二季度營收９７０﹒６億元，上年同期為５２２﹒８１億元人民幣，增長８６％。不過，這一營收表現未及市場預期的９９９﹒８５億元人民幣，同時是拼多多跨境電商平台Ｔｅｍｕ成立（２０２２年四季度）以來，增速首次放緩。　　拼多多集團董事長、聯席ＣＥＯ陳磊在財報發布後的電話會中表示拼多多的全球業務正面臨激烈的競爭和不斷演變的外部事件帶來的重大不確定性。事實上，因商戶對拼多多巨額罰款不滿，２０２３年四季度以來，Ｔｅｍｕ已經面臨數次商家到辦公室維權事件。據報在財報發布當天，Ｔｅｍｕ商家再次上門，圍堵Ｔｅｍｕ廣州番禺奧園辦公樓。　　市場擔憂行業加劇內捲，阿里、京東（０９６１８）兩大電商平台今日同受累，領跌港股。阿里收跌４％，京東集團收跌３﹒７％，美團（０３６９０）同跌２﹒６％。　＊羊毛出在誰身上？內房股慘跌＊　　　近日，住建部表示正研究建立房屋體檢、房屋養老金、房屋保險制度，以構建全生命周期房屋安全管理長效機制，並指上海等２２個城市已試行。一石激起千層浪，老百姓擔心「羊毛出在羊身上」，此舉或為變相徵收房產稅。網上甚至流傳一份上海試點「房屋養老金收費標準」：低層每平米５０元人民幣，高層每平米１４４元人民幣。　　官方火速闢謠，住建部官媒也發社評澄清，房屋養老金試點重點是由政府建立公共帳戶；強調不增加群眾負擔、無需老百姓出錢。　　那麼公共帳戶的錢由哪裏來？有行業專家認為，政府土地出讓金、維修資金增值收益、財政補貼等都可能是成為重要研究方向。　　不過，根據財政部周一公布的數據顯示，１－７月國有土地使用權出讓收入同比大降２２％，讓人疑慮不斷下滑的土地收入如何支撐房產養老金三項制度的實施。　　另外，今日人行主管媒體《金融時報》關於普及房屋保險的文章提到，《廣州市城鎮房屋安全保險制度實施方案》鼓勵小區業主委員會、物業管理委員會積極籌措資金為本小區房屋購買保險。兜兜轉轉，業主還是要自掏腰包？　　消息不利內房，萬科（０２２０２）跌逾２％，雅居樂（０３３８３）挫３﹒４％，融創中國（０１９１８）收跌３％，龍湖集團（００９６０）跌１﹒７％，越秀地產（００１２３）全日跌近１％。　＊編者按：本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《經濟通》、編者及作者無涉。

　　《小傳日記》魚缸業績期尾聲，輪到中資系列嘅中特估股份登場，缸友到呢刻都未敢掉以輕心，要睇曬成個業績期先再部署下一步，搞到呢幾日都唔夠１０００億銀，日日都係乾升收場。呢幾日咁低成交，就連一隻拼多多喺美股成交都可以多過港股，港股真係無面。　　不過拼多多大成交都唔見得係好事，捱沽兩成八換嚟嘅大成交，相信缸友都唔會恨。上年用輝煌嘅業績砌低巴巴（０９９８８）成為最高市值美股中概嘅拼多多，噚晚就出咗一份少少跌ｗａｔｔ嘅成績表，次季收入多８６％去到９７０﹒６億人仔，低過市場預期，但經調整純利多１﹒２５倍去到３４４﹒３２億人仔，就好過預期，所以其實升係不過不失，只係珠玉在前有啲失色咁。　　但衰就衰在拼多多自行大力唱淡。拼多多董事長兼聯席ＣＥＯ陳磊喺電話業績會上重磅出擊，警告孖屐話競爭加劇同外步挑戰，準備犧牲短期利潤，仲講明因公係投入期，未來幾年都唔會派息亦唔會回購！好股立即變成「三無股」，無派息、無回購兼無前景，嚇到美股嗰邊恐慌式清倉拼多多，埋單暴瀉兩成八，勉強守著百元大關。　　唱淡前景已經令人擔憂，管理層仲要講明「唔派息唔回購」，而且唔止一年而係幾年，直頭係最淡嘅講法，所以事後都引起孖屐討論：拼多多何須唱得咁淡？有一個最有趣嘅講法就係，拼多多創辦人黃崢今個月初爬頭鍾睒睒成為神州首富，傳聞話黃崢怕「槍打出頭鳥」，所以自己搞跌拼多多，於是就可以由首富變返排第四，不過呢種說法都係講笑居多。　　而有啲ｓｅｎｓｅ嘅講法就係期望管理，呢個就比較有說服力。美股好興成績表之後跟一份收入指引，即係預下未來嘅生意變化，就好似而家都無咁重視美聯儲局嘅議息結果，反而鮑威爾之後講兩句先係孖屐嘅炒作重點，所以今次拼多多都一樣，董事長多嘴講兩句，就冚過曬份業績。　　拼多多上年底因為超級業績炒起，呢一年內都維持大約１１０美金至１６０美金上落，對比歷史水平都算係偏高位置。未來一段時間雖然係減息周期開始，但神州市道可唔可以應聲即彈都係未知之數，計埋競爭因素，道理上可以話變差嘅機會大過再變好，即係只輸不贏，現家先行講到最淡，令到要沽嘅都一次過沽曬先，或者真係可以減低之後嘅沽壓，當係長痛不如短痛。　　雖然明言未來幾年唔派息唔回購，淡到令人覺得誇張，但如果一兩年後反口話派息，咁又咪可以炒一轉喜出望外囉，難怪都有大行建議即刻撈底，請請！　＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《經濟通》、編者及作者無關。