21/08/2024 12:04
港交所(388)中期純利跌3%至61﹒25億元,息4﹒36元
《經濟通通訊社21日專訊》港交所(00388)公布,截至2024年6月30日止中期純利61﹒25億元,按年跌3%,每股基本盈利4﹒84元,派中期息4﹒36元,按年跌3%。 期內收入及其他收益為106﹒21億元,升0﹒4%;EBITDA(非HKFRS計量項目)為76﹒61億元,跌2﹒5%。 *第二季純利升8﹒6%* 今年第二季純利31﹒55億元,按年升8﹒6%,每股基本盈利2﹒49元,EBITDA(非HKFRS計量項目)錄39﹒56億元,升8﹒4%。 期內收入及其他收益54﹒2億元,升8%,公司資金的投資收益淨額為3﹒66億元,源於內部管理的公司資金的投資收益上升及外部組合的公平值收益淨額增加。(bn) *有關業績的詳情,請參閱該公司之正式通告
21/08/2024 12:08
《魚缸博客》泡泡瑪特海外市場勁賺!短線見50蚊無難度
《魚缸博客》魚缸今日忽然被隻京東(09618)震一震,啱啱先出完份超靚仔成績表,但竟然引來大股東Walmart趁高散貨,傳話要清倉持股,令到恒指今朝都要跌成200幾點。好在午休前只係跌百幾點,始終今日都仲有唔少靚績,其中一隻就係泡泡瑪特(09992)。 泡泡瑪特截至7月已經連升六個月,主要係因為盲盒風潮吹到去歐洲,孖屐睇好泡泡瑪特海外市場增長,就喺呢半年來一路追買。而今次成績表都市反映預期係無錯;中期經調整純利大增90﹒1%達10﹒18億人幣,收入增加62%達45﹒58億人幣,毛利率多3﹒6個百分點至64%。以地區計算,雖然內地繼續係收入來源,期內增長31﹒5%達32﹒06億人幣,但收入佔比就由上年同期嘅86﹒6%降至70﹒3%。 當然最大原因就係港澳台及海外地區嘅收入增長,上半年急增2﹒6倍達13﹒51億人幣,佔總收入由上年同期13﹒4%升至29﹒7%;毛利率亦急升7﹒2個百分點至70﹒1%。泡泡瑪特董事長兼CEO王寧話,泡泡瑪特已經提前幾個月實現「海外再造一個泡泡瑪特」,今年全年營收有信心做到100億人仔,目標全年增長不低於60%,海外增長不低於兩倍咁話,認真大想頭! 不過泡泡瑪特今朝都吽吽哋,可能京東被沽實在太嚇人,泡泡瑪特等到11點錢先開始有大錢湧入,半日最多升超過一成。其實泡泡瑪特過去半年成交量都多返唔少,直頭有唔少大型資金都開始留意到佢,慢慢開始喺下方收集。總計半日,今日一支大陽燭升破43銀阻力,短線挑戰50銀仍應該唔算太難,但要留意50銀嘅資金表現,如果有持貨嘅可以考慮先行減持一半食胡,始終都升咗大半年,但敢博落去嘅都不妨揸著再博上60銀! 《編者按》本欄搜羅即市傳聞,惟消息未經證實,《經濟通》亦不保證內容之準確性。