即時新聞

　　《經濟通通訊社７日專訊》微軟表示，達美航空在上個月電腦系統發生故障後，多次拒絕微軟提供的援助。　　根據微軟的律師向達美航空發出的信件，從７月１９日到２３日，微軟員工每天都向達美表示願意提供援助，但達美航空全部拒絕。此外，微軟行政總裁Ｓａｔｙａ　Ｎａｄｅｌｌａ也親自給達美行政總裁Ｅｄ　Ｂａｓｔｉａｎ發電郵，但從未收到回覆。　　Ｂａｓｔｉａｎ就此次故障事件批評ＣｒｏｗｄＳｔｒｉｋｅ和微軟，表示微軟可能是最脆弱的平台。微軟則表示，達美顯然沒有對其ＩＴ基礎設施進行現代化改造。（ｒｃ）　

　　《魚缸博客》魚缸嚟到８月，又到咗業績高峰期，撞著外圍股市動盪，未來呢幾個禮拜都可能風高浪急一啲。傳統智慧又嚟，股市波動就梗係揀高息股，博客今日就睇中隻潤電（００８３６）。　　電力股作為中特估之一，普遍息率都唔會太低，不過要留意並唔係隻隻電力股都會派中期息，而潤電就係會派中期息嘅一隻。睇返過往潤電派息都相當穩定，一個財年派兩次，就算有中特估概念之前，都獲唔少好息之徒追捧。　　之前潤電就公布，提到６月附屬電廠售電量達到１６８５﹒３９萬兆瓦時，按年多咗８﹒５％；其中附屬風電場售電量達３０９﹒１１萬瓦時，比上年同期增加１４﹒１％；附屬光伏電站售電量達到６６﹒４３萬兆瓦時，比上年同期大增１﹒８８倍。所以可以預期，今次份中期業績都會有所增長。　　以走勢嚟睇，潤電前兩個交易日落到２１銀下方都開始搵到支持，計一計其實就係上年１０月低位約１２﹒９１銀，去到今年７月高位２５﹒４５銀，以黃金比例０﹒３８２倍計算嘅反彈位置，今朝反彈３％有多都可以確立支持，現價不妨入手博收息，試試再挑戰２５銀位，未跌穿１９銀都仲揸得過！　《編者按》本欄搜羅即市傳聞，惟消息未經證實，《經濟通》亦不保證內容之準確性。