即時新聞

　　《經濟通通訊社駐滬記者林雯婕５日上海專電》人民銀行上海總部上周五（２日）召開２０２４年下半年工作會議。會議提出，要配合上海市政府出台房地產新政，調降個人住房貸款首付比例和貸款利率水平。推動落實金融支持房地產十六條政策。推動商業銀行發揮經營性物業貸款作用，幫助優質房企盤活存量資產；用好人民銀行抵押補充貸款（ＰＳＬ）政策性資金，支持「三大工程」建設。持續做好保交樓金融服務。加大住房租賃金融支持。

　　《樓市亮話》早上自己揸車回公司時，在停車場司機接手時話，有一位司機問我們的車位賣唔賣，佢老闆願出高價。我又唔明白，在年初時，有業主放售一批車位，當時無人吼，我們用低價買入了一批，當幫助行家，其後很快便全部租出，我亦沒有放在心上，點解今日那位老闆要出高價買車位？　　　我回到公司，睇吓各類型物業空置率，豪宅、甲廈、商舖、工廈都是十幾個％，只有車位，雖然只有幾百個，不但全部租出，租金唔錯，而且仲有租客輪候。市面的確唔係咁好，點解車位咁好租？記得在２０００年時，我們已經買車位，而且買了很多，當時的空置率好高，有一個百多個車位的停車場，只有七個車位租出，出租率唔好，我們才有機會以低價買入大量車位。今日車位出租率普遍不錯，業主賤賣是個人財務問題，並不反映車位的真正價值。　　　我打電話問一個開車行的老友生意如何，老友話可以講好，亦可以講唔好，整體銷售金額下跌，但車輛數目上升，伙記做到氣咳，不過就搵唔到錢，兩餐是無問題。究竟數目多了幾多？如果唔係老友講，我一定唔會相信，原來新車登記數目多了２０％，以電動車佔多數，幾百萬一部的名車就不多。老實說，車輛數目直接影響車位價值，多了２０％新車登記，雖然並不是多了２０％車輛數目，暫時影響不大，但假以時日，如果新車車輛登記數目能夠保持，車輛數目比現在多２０％亦不是夢話。車位的價格會如何，懂得投資的朋友識得諗。《紀惠集團副主席及行政總裁　湯文亮》　＊《經濟通》所刊的署名及╱或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。