30/07/2024 17:43
《北水新貴》藥明生物相隔29日再打入港股通(滬)十大成交榜
《經濟通通訊社30日專訊》據港交所(00388)公布數據,藥明生物(02269)見多日以來首見進佔「港股通(滬)」十大成交之列,「港股通(滬)」北水全日買入1﹒73億元,賣出1﹒07億元,淨買入6619萬元。 另一方面,大眾公用(01635)亦見多日以來首見進佔「港股通(深)」十大成交之列,「港股通(深)」北水全日買入1﹒68億元,賣出1﹒51億元,淨買入1733萬元。 北水焦點股 ===== 股份相隔多久再上榜 股份名稱 編號 買入及賣出總金額(元) 港股通(滬) 港股通(深) --------------------------------------- 藥明生物 (02269) 2﹒79億 (滬) 29日 4日 大眾公用 (01635) 3﹒18億 (深) 上日 241日以上 ---------------------------------------
06/09/2024 14:00
《魚缸博客》昇能成毫卓悅成仙,玩股仔就似「過大海」!
《魚缸博客》過咗業績期,魚缸表面趨於平靜,但其實一樣話題不斷。昇能(02459)近日突然爆出,成為魚缸風頭躉。先係幾日前股價急瀉九成九,搶佔魚缸焦點。本以為件事會慢慢丟淡,點知股價復牌後仲要連續兩日大反彈,昨日高位有成9毫7,就快擺脫毫子股變蚊股,可惜尾段碌返去,最後7毫8收市。 有朋友事後呻笨,話大跌嗰日因為停過牌,所以事後無跟進。話如果復牌開始見到反彈,一定會搭下順風車,兩三毫子真係博得過。博客聽完哈哈大笑,又難怪佢咁諗。理論上,如果由股價低位1毫4開始計,彈上昨日最高9毫7埋單,短短三日升左近6倍,的確好和味,事後當然覺得兩三毫博得過。倘若結局係不升反跌,跌返去變仙股,甚至長期停牌,咁仲會唔會覺得兩三毫博得過?不過,朋友唔係得個講字嘅人,博客都信佢夠膽搏,學佢話齋,少少地當係「過大海」就算。 細價股大升大跌其實都見慣不怪,但唔係隻隻細價股都有低位反彈嘅機會。好似卓悅(00653)咁,股價7月初經歷幾次大插水,股價7月1號收市價有4仙半,到7月8號跌至1仙8,短短幾日唔見咗六成。大跌之後,雖然大股東出來澄清,話自6月20號之後未出售任何股份,亦無被強制平倉。 可惜卓悅始終晚節不保!根據聯交所資料,大股東陳健文喺16日減持3000萬股,每股平均價1仙7,涉資51萬銀。作為大股東,股價已經跌成咁,無入市托價都算,仲要自己踩多一腳,51萬銀都唔放過,仲發夢卓悅有轉機? 卓悅股價近日一直停留喺1仙位置,散戶或者會「鬆一口氣」,終於跌無可跌了。點知幾日前,卓悅就公布,建議20合1,即係話每股由1仙變成2毫子,有機會再跌過。如果嗰位朋友喺7月初大跌後買入卓悅,當「過大海」嘅話,而家應該做好心理準備,批貨隨時好似石沉大海咁不見天日!所以話,玩股仔真係要小心再小心! 《編者按》本欄搜羅即市傳聞,惟消息未經證實,《經濟通》亦不保證內容之準確性。