29/07/2024 14:48
【外圍經濟】受訪者認為黃金是「特朗普交易」最佳選擇
《經濟通通訊社29日專訊》據《彭博社》Markets Live Pulse的最新調查,黃金被視作是投資組合中,對特朗普重新入主白宮這一情景的最佳對沖工具。 在480名受訪者中,選擇黃金來對特朗普重新當選的情景進行避險的人數超過選擇美元的人數,兩者數量為二比一。略高於60%的受訪者認為,如果特朗普重新入主白宮,美元最終會走軟。 分析指,歷史走勢也符合這一看法。特朗普之前執政的4年裏(2017年1月20日至2021年1月20日),《彭博社》的一項美元匯率指標下滑超過10%,而現貨黃金價格反彈了超過50%。(rc)
04/09/2024 12:17
《魚缸博客》特步新鞋加持,走勢靠穩破牛熊線有望!
《魚缸博客》第三季係各大運動品牌出新鞋款嘅時期,好似Adidas喺7月就出咗旗艦跑鞋Ultraboost嘅最新一代,而神州呢邊都唔輸蝕,特步(01368)最近都出咗新款系列。 特步早兩日就舉行記者會發布新一代冠軍版跑鞋「160X系列6﹒0」,新系列主打兩大核心科技,包括「XTEP POWER動能科技升級-GT700碳板」以及「XTEP ACE輕彈科技升級-射胚發泡」。其中包括三個款式,分別係「6﹒0」、「6﹒0 PRO」以及「6﹒0 MONXTER」,零售價分別為999元人幣、1299元人幣及2599元人幣,其中「6﹒0 MONXTER」全球限量2000對。 據講今次6﹒0升級版進一步減輕鞋身重量,「6﹒0 PRO」輕磅接近兩成,同時回彈同抗衰性能方面比上一代都有所提升,令用家跑步嗰可以慳多大約兩公里嘅體力。 新鞋銷量有待公布,但過去半年特步業績表現都尚算唔錯,中期純利賺多13%去到7﹒52億人幣,收入多一成有72﹒03億。更重要係佳績反映喺派息,中期息派15﹒6仙港紙,按年多14%。肯派息嘅股一般都唔會太衰,特步上個月放榜打後就一路守穩100天線,近期更加繼5月以來再度瀕臨250天線考驗,破唔破到就睇今次。近期百天線企穩,更加早喺7月畫咗個3﹒9銀嘅雙底支持,雙重保險支持應該唔細,後市就要睇吓市況得唔得,如果嚟緊上面零售數據唔好太差,特步如果破到牛熊線阻力就有望試一試上5﹒5銀,最樂觀可以試埋6銀,而最重要都要大市配合。 《編者按》本欄搜羅即市傳聞,惟消息未經證實,《經濟通》亦不保證內容之準確性。