即時新聞

　　《經濟通通訊社１２日專訊》物業管理業監管局（監管局）今日公布，物業管理業監管局制定《斜坡管理工作》操守守則，並於本月刊憲生效，而相關《良好作業指南》亦已同時制定。　　　監管局主席黃江天表示，持牌物業管理公司為其客戶的物業提供物管服務時，經常會涉及管理物業相關的私人斜坡，而由地政總署發出的「地契」亦有訂明相關業主需要負責維修的毗鄰斜坡及天然山坡。因此，經諮詢各持分者的意見後，監管局制定了《斜坡管理工作》操守守則及相關《良好作業指南》，以提升業界對定期保養及維修物業斜坡的關注，致力確保相關斜坡狀況良好，保障物業使用人士的安全。（ｋｋ）

　　《小傳日記》噚晚美國公布５月份通脹令人喜出望外，減息預息又再升溫，但之前科技股升得太急，反而孖屐趁機由科技股抽錢泊落低殘股，於是魚缸掘咗咁耐個氹終於裝到水。　　魚缸科技股今年借著上半年嘅升勢都升返唔少，高盛近期就出咗報告，曬一曬近期嘅成績表。其中針對神州遊戲方面，就成功貼中幾隻好股，包括心動（０２４００）年內大升咗七成二，係所揀遊戲股入面表現最標青，其次就係年內升三成半嘅Ｂ站（０９６２６）。　　不過有升就有跌，心動升咗四個月，近期都開始有回調，高盛都知係時候食胡，於是報告就提到都轉為唱淡心動。高盛就話，目前新推出嘅遊戲流量都開始出現分化，而心動年初推出嘅大熱遊戲《出發吧！麥芬》似乎「出道即顛峰」，新出兩個月之後每日活躍用戶數就已經到頂，而且喺之後係持續下行。高盛就話，心動之前一直表現出色而且估值豐厚，年初至今一直都係領域內表現最好嘅股票，但就預計２０２５年每股盈利將會下跌三成九。　　其實心動面對緊嘅同好多遊戲股都一樣，目前神州遊戲市場已經飽和，一直都只係內捲，即係塘水滾塘魚，會打機嘅都已經係嗰班人，爭嚟爭去都係嗰個餅，唯一可以再做大個餅嘅就只係海外市場。所以高盛都提到，心動嘅「上行風險」就係《出發吧！麥芬》將會喺第三季尾喺韓國推出，到時就可能再掀一次熱潮，就睇吓高盛今次準唔準囉，請請！　＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《經濟通》、編者及作者無關。