即時新聞

　　《經濟通通訊社９日專訊》昨（８日）晚１１時許，在國泰航空（００２９３）ＣＸ２５５航班內，一名７０多歲女子被行李壓中受傷，需送院救治。　　據悉，該航班準備由香港國際機場前往英國倫敦希思羅機場。事發時，一件手提行李從機艙內頭頂手提行李放置箱跌下，一名女乘客的頭部被壓中流血受傷。救護員到場後，為她包紮後，將她送往醫院治理。受事件影響，該航班原定由晚上１１時１５分起飛，延遲至周二（９日）凌晨零時６分起飛。（ｃｌ）

　　《魚缸博客》今日有幾隻餐飲股不約而同發盈警，其中奈雪的茶（０２１５０）公布，截至２０２４年６月３０日止六個月，將錄得收入約２４億至２７億人仔，錄得經調整淨虧損約４﹒２億至４﹒９億人仔。虧損主要由於消費需求未回復，門店收入承壓，人力、折舊與攤銷等成本短期內優化調整空間有限，從而導致門店經營利潤率受到較大壓力。另外，集團計劃關閉部分表現不及預期嘅門店，並為此計提資產減值準備所致。　　奈雪的茶今日股價跌逾一成，再創新低，低見１﹒５２銀。不過，股價創新低對奈雪的茶嚟講唔係新鮮事，事關該股自２０２１年上市以來，股價整體反覆向下，一浪低於一浪，今日嘅新低隨時再被刷新。　　唔單止發盈警，過去靠增加門店推高營收嘅策略可能受阻。截至第二季度末，集團直營門店數為１５９７家，而加盟店僅２９７家，直營門店數佔比達８４﹒３２％。今年一季度，奈雪的茶淨增２３家直營店。但到咗第二季度，雖然新增４８家直營店，但同時關店４８家，亦即係話，第二季度門店淨增數為零。換言之，成個上半年淨增２３家直營店，同舊年同期淨增１２６家門店根本無得比。相反。按照目前內地消費疲弱趨勢，下半年就算出現門店淨減少都唔令人意外。　　為咗吸引加盟商加入，集團今年初降低加盟門檻，單店投資金額調低至５８萬元起，限期簽約還能享受６萬元營銷補貼。不過，面對咁嘅經濟環境，有幾多人會因為加盟門檻降低而入市？奈雪的茶上市幾年來，只有２０２３年錄得１３００多萬人仔利潤，仲要係錄得公平值變動有正數３６００多萬人仔入帳嘅情況下先有１３００多萬人仔利潤。而家中期就發盈警，全年業績更暗淡。現時內地經濟放緩，消費疲弱，茶飲呢啲非民生必需品容易受到衝擊。就算日後消費情況有所改善，但股市中仍有股價低殘嘅內需股可以選擇。因此，就算奈雪的茶股價創新低，博客仲係唔敢搏！（ｖｓ）　《編者按》本欄搜羅即市傳聞，惟消息未經證實，《經濟通》亦不保證內容之準確性。