即時新聞

05/07/2024 17:02

《小傳日記》康師傅加價早有啟示,但根本加得太遲?

  《小傳日記》神州市道唔好都唔係第一日,喺內需股身上就最反映到呢個情況,體品、啤酒、餐飲跌完一浪又一浪,個個都睇淡消費市場。不過康師傅(00322)就無懼弱市宣布加價。  近期有神州網民發現,食開嘅康師傅桶麵貴咗,隨後經內媒向官方求證,都獲得官方證實的確係加咗價。其實早喺5月康師傅已經醞釀加價,當時有唔少經銷商都被康師傅口頭通知即將加價,到今個月終於正式落手。官方講明,今次並唔係統一加價,而只係針對「經典系列」加價。不過「經典系列」就正正係周街都係嗰個系列,反正就係最平民嗰16款口味。  不過康師傅並唔係單純加價,官方表示今次係「升級」:「經典系列升級將更能滿足消費者需求,同時兼顧品質與價值的平衡。我們始終堅守提供高品質產品的承諾,致力於為消費者提供健康營養的產品,以促進整個品類健康永續發展」。實際上有咩唔同,其實就係換咗包裝同麵底。包裝方面其實只係多咗啲線條,感覺時尚啲;但新配方嘅變動就多啲,麵底用咗新配方,據講落咗雞蛋會令麵底更加爽滑,乾燥蔬菜都加多咗一倍,個別口味仲講明跟多咗粟米同加濃咗湯底。  對於今次加價行動,民間之前就有傳係原材料成本上升,不過呢個原因並未被官方證實,而且喺2023年成績表入面,康師傅反而曾經提過「原材料價格下降」令到全年方便麵毛利率提高3﹒05個百分點去到27%,所以成本上升一說未必係真。其實神州日日都講緊消費降級,近期上面網民興起講「報復式存錢」,指後生仔女因為收入唔高,於是極度慳家咁過日子,熱傳嘅極端案例更加係限制緊每日只用10蚊人仔食飯。康師傅桶麵除開每個都係兩舍個幾銀人仔,絕對係「報復式存錢」嘅恩物!  經濟堂都有教,市道唔好就係「劣等財」(inferior goods)熱賣嘅時候,消費降級咁耐,康師傅而家加價都算係加得遲,請請! *編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
29/07/2024 19:19

《再戰明天》美儲局一連兩日議息,恒隆地產公布業績

  《經濟通通訊社29日專訊》美儲局一連兩日議息,及恒隆地產公布業績,料為周二(30日)市場焦點。 *日本央行一連兩日議息,美國公布20大城市房價指數*   各國重要經濟活動方面,美國聯邦公開市場委員會(FOMC)開始為期兩日的利率會議(至31日)。日本央行舉行貨幣政策會議(至31日)。澳洲外長黃英賢會晤韓國外交部長官趙兌烈以促進雙邊關係。  數據方面,周二7:30am(本港時間.下同),日本公布6月失業率,料維持於2﹒6%。9:30am,澳洲公布6月建築許可,月率料由5﹒5%逆轉至下滑2﹒5%。4:00pm,德國公布第二季國內生產總值,年率料維持不變,經季節調整季率升幅料由0﹒2%收窄至0﹒1%。5:00pm,歐元區公布7月消費者信心指數。8:00pm,德國公布7月消費者物價指數,月率升幅料由0﹒1%擴大至0﹒3%,年率升幅料維持於2﹒2%。9:00pm,美國公布5月標普╱Case-Shiller20大城市房價指數,經季節調整月率升幅料由0﹒38%收窄至0﹒3%。  在本港,明日公布業績的公司有:恒隆地產(00101)等。(wa)
more on etnet.com.hk