即時新聞

15/11/2017 11:45

《古臣周記-古臣》認識行為金融學,警覺投資弱點!

  《古臣周記》今個星期兩隻新經濟股:雷蛇(01337)同易鑫(02858)相繼掛牌。阿臣咁啱同幾位朋友都中咗一手雷蛇,內心都期望有幾成升幅。好彩雷蛇星期一(13日)掛牌就開高招股價32巴仙,阿臣二話不說,喺5﹒08銀就沽出一手「閃人」,而易鑫就抽唔中,有點可惜。

*牛市當道,人人都賺錢*

  相信今年個孖屐咁旺,加上新股效應下,唔少缸友都借抽新股嘅機會,開咗人生第一個股票戶口。閱文(00772)上市以來咁多日,都仲係高過招股價55蚊收市,而雷蛇暫時亦未跌穿過招股價3﹒88銀,相信都令唔少新手缸友笑逐顏開,但阿臣認為咁樣同時帶咗個錯覺畀大家,以為喺股市度賺錢好容易。  行為金融學(Behavioral Finance)入面提及到,投資者有時候會「過度自信」,好多時將賺到錢嘅原因都會歸因於自己有能力。同時投資者亦以為自己可以控制好多結果,呢樣亦稱作「控制的偏見」。呢種心態,會令買股票贏過錢後嘅人變得容易「心雄」。但咁樣往往會令到投資者唔識得「見好就收」,應該保守時保守。  以阿臣近日所見,街上多咗唔少人得閒無事都講起股票。坐一程車阿臣最少見到五六個人,不論老少,都拎住手機睇股票報價。喺牛市當中,投資者自然容易賺到錢,於是一時間個個股神上身,睇住自己手上嘅國壽(02628)、建行(00939)等股價郁上郁落,不亦樂乎。不過,所謂「別人貪婪時我恐懼」,如果遲吓魚缸上三萬點,會唔會就係正正需要自己冷靜落嚟檢討策略嘅時機呢?

*一時偏見,造就長期蟹貨*    另一樣令阿臣較擔心嘅,係行為金融學所講,投資者會有「避免損失偏見」,例如投資者因為唔想實現個損失,而一直持貨唔肯止蝕。選擇持貨嘅正確原因,應該係認為基本面無變,或者當初買入嘅原因並未有被事實所動搖,而唔應該係純粹「唔想真係蝕錢」。好多時孖屐一轉勢,呢種偏見就會令缸友長時間蟹貨,走都走唔切。  有見及此,阿臣都希望今個月將手上持有嘅港股,限制喺4隻以內。阿臣上星期以0﹒67銀沽走民銀資本(01141)以及用1﹒9銀沽走中海物業(02669),今個星期再以4﹒4銀買入4000股中國中藥(00570)。另外,全球半導體股都強勢,所以阿臣亦喺127蚊左右追咗一手半導體設備龍頭ASM(00522),希望今個月可以升到130蚊樓上再睇位走人。    表列截至11月15日止(11:30am)投資組合表現:

  股份     股數     買入價      現價       總值  ----------------------------------------  港股:  騰訊     100股 350﹒00元  386﹒40元    38640元  中國中藥  4000股   4﹒40元    4﹒35元    17400元  ASM    100股 127﹒00元  126﹒20元    12620元

  美股:  Tesla   2股   316美元  308﹒70美元  617﹒40美元                               #(約4818港元)  亞馬遜     1股   973美元 1136﹒84美元 1136﹒84美元                               #(約8871港元)  ----------------------------------------  #以美電7﹒8035計算

  組合調動:  ----------------------------------------  買╱沽   股份  買入價(元) 沽出價(元) 股數      計及手續費後                                  金額(元)  ----------------------------------------  沽出   民銀資本  --    0﹒67  20000股   13330  沽出   中海物業  --    1﹒90   5000股    9434  沽出   雷蛇   3﹒88元  5﹒08   1000股    5019  買入   中國中藥 4﹒40元   --    4000股   17674  買入   ASM   127元   --     100股   12769  ----------------------------------------    股票市值      :  82349元  剩餘現金      :  19316元  組合淨值      : 101665元

  組合本月收益表現:+ 4﹒0%(截至上月底止組合淨值:97736元)  組合累計收益表現:+35﹒6%(本金75000元計)(2016年8月開倉)

  *數據截至今日11:30am
30/07/2024 11:14

【外圍經濟】共和黨指摘耶倫操縱美債發行量,以利民主黨競逐大選

  《經濟通通訊社30日專訊》美國財政部的發債計劃一向備受關注。不過,該計劃在本季度添上政治元素,部分共和黨議員指責政府操縱債券的發行。  交易商預計美國財政部本周三(31日)在季度再融資債券發行中,將遵守先前的指引,連續第二個季度維持較長期債券發行量穩定。現時預料下一輪再融資發債操作的總規模將再次達到1250億美元。具體為8月6日580億美元3年期票據、8月7日420億美元10年期票據,以及8月8日250億美元30年期債券。  一些共和黨政客和經濟政策評論員指摘財長耶倫,認為她控制較長期限債券的發行規模,使用短期國庫券來滿足額外的資金需求。他們認為,此舉有助於壓低孳息率、提振經濟,在大選之前利好民主黨。不過,耶倫表示,沒有試圖放鬆金融環境的策略。  此外,由於聯邦借貸需求巨大,債券買家也在密切關注是否有跡象表明,美國財政部即將發行更大規模的長期債券。(rc)
more on etnet.com.hk