職場

　　餓旅行長達 3 年，不少人一開關即計劃去個長旅行遊歐洲。政府早前公布，由香港發出的防疫紀錄也納入「歐盟數碼新冠通行證機制」，用法就如日本的 Visit Japan Web，出發前先上載疫苗接種、檢測或康復紀錄，獲得「黑碼」後便可輕鬆入境法國、意大利、丹麥、芬蘭等歐盟成員國。

Read More︰【去日本必睇｜Visit Japan Web使用教學】11月起取代MySOS！一次搞掂檢疫＋入國審查＋海關申報！邊6個機場適用？（圖文詳細教學版）

　　這個歐遊必備的「通行證機制」目前在歐盟 27 個成員國和約 50 個參與國家及地區（詳情名單）之間認可通用。持有由香港發出、且符合指定規格的疫苗接種、檢測或康復紀錄，可以電子方式展示，或列印電子紀錄為紙本，作出行之用。大家只要從新冠紀錄系統或「智方便」流動應用程式，輸入個人資料如身分證號碼及簽發日期，唔使 1 分鐘便可下載適用於歐盟數碼新冠通行證機制的本地疫苗接種、檢測或康復紀錄。

　　以申請疫苗接種證明為例，填妥資料後，隨即獲得歐盟數碼新冠通行證「黑碼」，頁面更列出大家所接種的疫苗名稱、製造商、已接種劑次、接種日期等。除了下載通行證，出行前記得了解目的地的最新入境規定，包括疫苗接種或檢測的要求。

申請歐盟數碼新冠通行證「黑碼」步驟︰

1.    在新冠紀錄系統網頁按「歐盟數碼新冠通行證」

2.    選擇到訪國家要求出示的「疫苗接種證明」、「康復證明」或「病毒檢測證明」

3.    按指示輸入身分證明文件號碼及系統要求的其他資訊

4.    下載相關歐盟數碼新冠通行證紀錄

新冠紀錄系統

網址︰www.evt.gov.hk/portal/zh-HK/

　　不論你係第一次升職做人上司，定係轉工空降到新團隊，都仲會經常感到不少迷惘。一時間唔了解自己應該站喺乜嘢位置、用邊種手法處事、有幾多空間發揮等等。就算長時間碰釘，都未必掌握當中概念。以下有三個新手Leader常遇到嘅錯誤觀念，有助反思自己如何管理團隊同工作。

單一領導風格

　　坊間有好多教學談及不同領導風格，每種風格都有其優點缺點。例如專制型領袖，習慣控制所有事情，事無大小都由一人決策。好處係因減少意見而令每事決策加快，如果團隊大多經驗不足，員工或公司／工種需經常處理變化急速事情，呢類風格亦相對地適合。不過缺點係員工自主性同歸屬感會好低，因害怕上司而對公司失去忠誠，同時有礙員工發展。

　　各種風格都有較為適用行業、公司、下屬等。但其實除老闆或高高高管外，大部分管理人員都難以單一風格走天涯。對一般打工仔嚟講，建議最好具備兩組風格應對上、下層。可先以下屬情況為優先考慮，根據不同下屬組合而採用一組多變風格，因材施教。之後再專門用另一組風格應對上層、老闆。以上方法好處係能有效發展各人所長，反之換來自己需具備多變嘅能力。並非要違背自己性格作另一風格處事，多變風格只係一個「難學易精」嘅起手點，但如慢慢活用多變風格，最後就能衍生出你獨有而強大的一套。

Change Management 不在於事情本身

　　做得Leader必然會面對好多轉變，公司轉變影響你同團隊之外，你嘅上任都係團隊轉變之一。好多公司、Leader處理Change Management 時側重於事件本身，而忽略承受事件嘅人。有調查指當，團隊面對轉變時，只得 20%員工會表示支持，50% 冇意見、跟大隊，30% 會非常抗拒而感到不安。其實大部分人並非唔想改變，只係佢哋擔心改變後對自己嘅影響。所以我哋除咗要喺Change Management 中多加入員工元素，亦要化解佢哋當中疑慮。盡量安排員工參與整個過程，同時要更著重溝通，唔好有「下屬唔需要知咁多」呢種概念。咁先能夠將Change 變成Chance。

遲遲唔做決定

　　傳統亞洲職場都有一個通病，就係「少做少錯，多做多錯」。害怕做錯，所以一係就做少啲，一係就唔決定「拖」字決。但其實唔做決定或拖住做決定，都係一種決定。而呢個處事模式，除咗會令你錯失好多機會之外，更會浪費有潛質下屬。就算下屬有不少想法，但都會好快被你感染，最後整個團隊變成零創新。公司愈大規模，呢個問題愈嚴重，亦係傳統企業永遠唔能夠突圍而出嘅原因。新手上路做上司，千萬唔好怕做錯決定，當然出錯並非好事，但錯誤都係進步過程之一，肯承擔先係重點。