職場

　　日日都返工，唔通日日都只係「返工」咩！打工仔一日喺公司大大話話至少都有八、九個鐘，但認真做嘢嘅時間可能得個三、四、五個鐘頭。其餘時間做乜？之唔係遊下魂、放下break，仲有最緊要嘅──同人social！咪話小編唔教精你，你嘅職場生活過得開唔開心，或者將來升唔升到職，其實都同你嘅職場人際關係有好大關係！

 

1. 《當心裸男：作好職場人際關係》（原書名：談笑用兵----洞悉商場策略）／作者：哈維．麥凱

 

 

摘錄：

　　當你認識了一個想保持聯絡的人物時，回家別馬上把他的名片往抽屜塞。你該把這個人的所有資料寫下來存檔。不妨加些私人資料︰如嗜好、背景、家人名字、孩子上的學校等，無所不包。再次見面時，自可駕輕就熟，相談甚歡。對方一定對你的超強記憶力敬佩不已，大生好感。

 

　　對於初入職場嘅小薯仔嚟講，一下子要面對新環境、新人事，第一步梗係要先「打好個底」！簡單啲講，即係要先摸清公司嘅架構、同事嘅工作範疇，同埋佢哋嘅性格。而最最最重要嘅一點係，小薯們必須花啲時間去記低同事個樣同個名，唔係日日見面打招呼得個「喂」，或者一開口就叫錯人哋個名，咁就「GG」了。

 

　　呢本由哈維．麥凱（Harvey Mackay）撰寫嘅書，仲收錄咗好多行銷、管理、人際關係等職場必備技巧，無論係小薯、中高階主管，定係創業者，都啱睇！

 

2. 《跟著哈佛修練職場好關係》／作者：丹尼爾．高曼、琳達．希爾等

 

 

摘錄：

　　你對現任上司有甚麼感覺？你會如何回應你的直屬長官與上級？如果你經歷過的絕大多數上司，一再讓你感到挫折與失望，恐怕會促使你把過去的經驗帶到現在，讓自己和他們成為你情感包袱的受害者。

 

　　轉過工嘅打工仔可能都會有過咁嘅經驗，面對新公司嘅人同事，總係會覺得新不如舊。尤其當工作壓力爆煲之際，就會更加因為過去嘅「甜蜜」回憶，而下意識加強當下嘅痛苦感覺！不過要知道，轉工同分手一樣，都係要撇脫，千祈唔好將「新歡」同「舊愛」相比！

 

 

3. 《一口氣讀懂哲學家們：從30位哲學家生平、學說、名言，自我省察，探究自我，破解生活、職場、人際關係的迷思》／作者：小川仁志　

 

 

摘錄：

　　尼采提出「超人」的想法，也就是接受永劫輪迴的概念，能夠一再激勵自己「好吧！再挑戰一次」的人。最初，這樣超越所有立場的概念，或許還無法為世人理解。然而這樣的發言與發想，擁有改變虛無主義世界的力量。尼采認為，貫徹自我信念、努力傳教的耶穌基督正是超人的典型。

 

　　每一個職場，都有各自嘅潛規則要遵守。當你面對住職場上嘅各種人情壓力時，仲可唔可以保持自己嘅初心同信念呢？

 

　　呢本書有趣在，透過三十位哲學家包括希臘三賢、笛卡兒、洛克、尼采、西蒙波娃、桑德爾等嘅生平、學說、名言，再配搭手繪風嘅「哲學家頭像插畫」和「四格漫畫」，能夠讓你輕輕鬆鬆學哲學之餘，仲可以學埋點解決各式各樣嘅職場及人際關係迷思！

 

4. 《讓痛苦人際關係一口氣變輕鬆的祕訣》／作者：根本橘夫

 

 

摘錄：

　　我每天早上起床前，都會刻意地笑一笑。如此一來，就會實際體會到心情的轉換，從「今天也要去上班啊，好煩啊！」轉換為「今天似乎也會很開心。加油吧！」依照自己所抱持的感情不同，對於周圍的人或情景也會產生不同的看法。

 

　　「我好鍾意返工呀。」呢句說話真係唔會人人講得出口，但與其拿口拿面咁返工，不如每朝都為自己打一打氣，換上一個開心笑臉先出門口！咁樣做唔單只可以轉換下自己嘅心情，更可以招來好人緣添！

 

 

5. 《一流人士都不會犯的禁忌：從打招呼到各種場合應對，馬上派上用場的人際經營術，讓工作、生活更加無往不利！》／作者：Tokio Knowledge

 

 

摘錄：

　　早上在公車、捷運裏或在前往公司的路上遇到主管時，總是讓人尷尬，但如果認為當下並非上班時間，所以可以無視主管或假裝沒注意到對方，這樣實在不是一位合格社會人士該有的行為。如果主管此時又剛好看到你，只會在他心中留下「這傢伙居然裝作沒看見我？」的壞印象。

 

　　咪以為返到公司見到腦細、同事先要打招呼，有時返工、放工路上遇到佢哋，禮貌上都要講句「早晨」、「辛苦晒」、「拜拜」，千祈唔好睇到扮睇唔到！

 

　　呢本書專講打工仔嘅「職場禮貌」、「與人互動禮貌」方式，應用範圍由個人與同事、個人與上司嘅相處，到私生活應酬嘅互動都有。總之一句講晒，「做事很重要，但做人更重要」。