【職場心理學】做事拖拉是一種病？向拖延症說不！
#職場 #上班族 #拖延症 #心理情緒明明應該專心處理工作，但做做吓，唔知點解就會好自然咁走咗去碌Facebook、上網睇吓八卦新聞，又或者同隔離位同事搲水吹……結果搞到本來可能只需要兩個鐘就做完嘅工作，最後做咗成個下晝都做唔完。
心理學家話，呢類人好大機會係「拖延症患者」。
好多人以為拖延症只係人做事唔專心，兼臨急抱佛腳嘅表現，但其實養成拖延症嘅背後原因係──人下意識會揀比較舒服嘅路嚟行！所以一遇到唔鍾意、做得唔順利嘅事情，就會有分心嘅情況出現，甚至會用唔同嘅藉口嚟解釋自己嘅行徑……
1. 「我而家冇做呢件事嘅心情！」
當人覺得自己好累、好餓，或者好有壓力嘅時候，好容易會理所當然咁畀藉口自己「拖住先～陣間先做啦～有mood個陣再做。」雖然某程度嚟講，咁樣的確可以畀自己放鬆吓，但要小心鬆過頭會造成進度無限期落後。
2. 「好易啫！我三兩吓手勢好快就會搞掂！」
有時錯誤估算工作嘅難易度亦都係造成拖延嘅原因！諗住做計劃書只係簡單解釋吓自己嘅構思理念、引用返過去一兩年嘅數據，然後繪影繪聲咁解說一返就ok？殊不知當腦細問起市場環境變動、競爭對手嘅動向、消費者嘅需要等資訊嘅時候就口啞啞。畢業有啲嘢並唔係靠小聰明就可以拆得掂，而係需要實實在在咁花時間去預備。
（「YO！駛乜驚吖！」──《西遊記》劇照）
3. 「太難啦，我真係做唔嚟！」
恐懼，絕對係會令件事睇起嚟比實際狀況嚴重，好多人甚至因為咁而踏出第一步都唔願意。
4. 「我覺得我可以再做好啲！」
怕失敗所以唔敢做，絕對可以理解；但原來過份追求完美，一樣會造成拖延！呢類人通常都係好介意其他人嘅眼光，好擔心自己做得唔好會被人笑、被人睇唔起，所以一味拖字訣，唔到最後一刻都唔交貨。
唔知你有冇搵到自己嘅影子呢？其實要解決拖延症，一啲都唔難（當然都要有決心先啦！），就等小編即刻醒你幾招！
1. 寫To-do list
寫一張To-do list，將工作按緊急度及重要性分類（即「緊急又重要」、「緊急但唔重要」、「重要但唔緊急」和「唔緊急又唔重要」呢四種），並清楚排列出來，提醒自己要先做好甚麼。
（《命中注定我愛你》劇照）
2. 分拆工作項目
將複雜嘅工作項目分拆為簡單嘅「小任務」，而每當完成咗一個小任務後，就畀自己放鬆抖一抖，休息過後就可以繼續做下一個小任務；同時按部就班咁去完成所有任務，可減少心理負擔和壓力。
3. 設定任務完成時間
設定一個工作時段，如30分鐘，然後話畀自己知喺嗰段時間內，必須專注眼前嘅工作，唔可以有任何藉口推脫，直到該時段完結為止。當30分鐘過去後，可以畀自己休息一陣，再設定下一個30分鐘嘅工作時段。
想知自己有冇「工作拖延症」？即轉去下一頁檢測吓啦～
想知自己有冇「工作拖延症」？咁就要即刻用mindtool網站提供嘅量表檢測一下！以下15個指標，請依照你嘅狀況答1–5分（「總是可以完成」有5分，「一定不能完成」有1分）。如果總分低過30分，咁就代表你好有可能有拖延症嘅問題：
1.我總是能準時完成任務。
2.會議前，我能提前做好必要的安排。
3.面對重要的郵件或電話，我總能馬上回覆。
4.即使工作剩很少，我也會立刻完成。
5.一旦我取得我所需的信息，我就能快速做決定。
6.即便困難的事情我也會快速解決，而不是等到心情好才做。
7.面對任務，我能從容完成。
8.我可以完成每天早上安排的當日計劃。
9.如果我說我等會就能完成任務，通常真的很快。
10.在繳交任務或報告前，我不會浪費時間做沒意義的事。
11.我能在上司需要前就完成任務。
12.當準備開會數據時，我很少拖到會議前的最後一分鐘。
13.面對我該完成的事項，我不太會拖一下才開始。
14.在完成一個龐大的任務前，我會先進行規劃，研究從哪個步驟開始。
15.面對上司交辦任務，我很少說出明天再開始。
《青春，半生不熟》劇照）