世事政情

　　綁票案最令人束手無策的地方，是那肉參。

　　人質在手，管你是飛虎隊還是神槍手，都無用武之地。所以，肉參是生是死？或者這肉參的命我在不在乎？是致勝關鍵。

　　過去23年，中央對反對派處處忍讓、要風給風、要水有水，全因為看重香港這肉參，一顆東方明珠在綁匪手上，他們一捏毀了，救回都無用。

　　然而經歷去年黑暴，阿爺發現，原來這並非甚麼稀世明珠，裏面還有很多雜質沙石，且光芒已褪，投鼠不必再忌器了。

　　資深傳媒人盧永雄曾在評論文章談及中央對港新態度：「甲政策」和「非甲政策」，不是甲、乙、丙、丁，而是甲與非甲：「如果過去的政策是『甲』，但不成功，中央就會改為傾向『非甲』的方向去思考問題。」

　　因為甲、乙、丙、丁之間尚可以有相同或類似的地方，但「甲」和「非甲」就很簡單，以前用過的方法，不會再用；以前走過的路，不會再走，因為已證實無效，不必再試。

　　早前聽一位高人說，以後中央做事，香港人感受不會再成為考量之列，這印證了「甲」與「非甲」的說法。

　　從前中央怕你痛怕你亂怕你不高興，肉參掉一根指頭已讓阿爺萬般揪心。現在發覺原來肉參得了斯德哥爾摩症候群，早已跟綁匪連成一伙，不再忌憚，那就好辦了。

　　昨天有消息傳來，正在北京召開的人大常委會議，會討論如何處理香港立法會問題，不排除有多名議員被DQ。

　　因為立法會復會一個月，已三度流會，至今只通過四項法案，一天會議可以點算人數十多次，單是點算人數每天至少浪費超過兩小時。反對派玩完社會攬炒，又搞議會攬炒，政府一如既往束手無策，所以中央考慮出招對抗。

　　招未出，陣已亂，昨日傍晚反對派召開緊急會議後公布，若有議員被DQ，其他人會以集體總辭對抗。議會內共有19名反對派議員，如果DQ 4人，其他15個總辭，買4送15，中央的「非甲」策略，果然奏效。

　　近期習主席多次提及「底線思維」四個字，反對派醒目的話早該參透，無底線的鬥爭遊戲玩完了，你們真要多讀歷史，不要嘗試「兇」阿爺，共產黨是嚇大的。

　　總辭吧，說了的話要算數，早預了你們會抬出金句：「離開好容易，留低才需要勇氣」，到時別又賴死高歌鄺美雲的《再坐一會》或者太極的《留住我吧》。

　　唔經唔覺，立法會又去到暑假休會時間，要去到10月先會恢復會議。無會開唔代表議員係悠悠閒，事關10月就係《施政報告》公布嘅日子，呢排一眾議員就忙緊輪住「面聖」，向特首提交《施政報告》建議，希望特首接納佢哋提出嘅意見，放入去《施政報告》之中，咁亦都係完善選舉制度之後，立法會議員其中一個比較容易理解嘅KPI。

　　接納建議係一個指標，但其實立法會議員另有一個重要職能，就係監察政府運作、監察政府有無亂咁用公帑，呢方面立法會又有無起到佢嘅功用呢？近年講嘢愈來愈大膽、其中一位最資深嘅議員謝偉俊，似乎就唔多認為立法會起到監察作用，佢噚日見完特首交建議，亦都指出立法會依家嘅監察功能「失真」，例如立法會常設嘅政府帳目委員會，以及《權力及特權法》賦權成立嘅獨立調查委員會，都係為咗調查公營機構財政、監察政府運作，但最近一次帳委會只有兩個記者出席，而呢屆立法會出年就完結，至今從未召開過獨立調查委員會。

　　無獨有偶，早幾日被視為「唯一反對派」嘅議員狄志遠，亦質疑立法會監察功能較以往削弱，佢話有議員提出反對意見後，獲官員致電「唔使咁呀？」，事後更加惹來另外兩位建制派立法會議員公開反駁。

完善選舉制度後，立法會與政府的關係無以往那麼緊張。(Shutterstock)

　　Tina就以上觀點問過幾位立法會議員，一位今屆先當選嘅「嫩口」議員某程度上亦認同謝嘅講法，佢話留意到過去帳委會開記者會都係非常大陣仗，好多記者追問，之後嘅媒體篇幅都唔細；但係今屆帳委會似乎無咗相關功能，如謝偉俊所講，最近一次報告記者會，得兩個記者到場，再問番相關委員，原來當日記者係零提問，帳委會讀完新聞稿之後好快就完咗個新聞發布會，傳媒朋友對帳委會呢次報告根本係漠不關心。

　　「出現咁嘅情況有兩個可能，一就係帳委會喺審議嘅過程唔夠賣力，發現唔到政府點樣大花筒、點樣失職；另一個就係審計署本身份審計報告其實亦只不過係小罵小鬧，專門搵啲搔不著癢處嘅位去批評其他政府部門，等公眾唔好認為現屆政府有失職嘅地方。不過，就咁睇最新兩個進行公開聆訊嘅篇章，似乎又真係睇唔出審計署搵到咩政府部門有重大甩漏嘅地方，向好方面諗，就係政府部門真係有改進、公務員都係跟足程序去做嘢。」

　　然而有資深議員就特別指出，議員並唔係無監察嘅功能，只不過有啲議題可能好早就已經叫停政府，或者提出咗反對意見等政府吸收，好似垃圾徵費咁，議員反對嘅角色就非常重要，如果唔係，政府一定按時間表推出咗，都證明立法會係有監察作用嘅。嗰名資深議員同時強調，完善選舉制度之後嘅立法會亦會監察政府，不過就唔會再好似以前咁樣，透過喺立法會入面投反對票，而係事先作良好溝通，認為咁樣都係良好互動。