過往專欄

　　項羽都講過，做大丈夫，最重要是「力拔山兮氣蓋世」。男子漢「手瓜」無力，難免引人白眼。有網民在街上目睹女生為男友撐傘後，即批評男方是「小男人」。有男女配對專家指，約會時宜「顧己及人」，多關顧對方心情，自然容易水到渠成。

　　有網民在討論區撰文，指目擊街上有女生為男生撐傘，深感不忿，直指男方「無鬼用」。帖文指︰「上網搜尋雨中漫步，十居其九都係男方撐傘的，這是世上最普遍的價值觀；不論是富豪或國家領導人，鮮有見到要女方撐傘的。港女看不起港男的主因，不就是樓又要她供，傘又要她撐這種事嗎？話女人撐傘無問題的，一定係小男人！」

午餐約會 或令對方反感

　　帖文涉及「男女分工」議題，十分惹火，迅即吸引逾2萬人次點擊，及超過500個留言討論。有網民為男方平反，指女生或為擋太陽才撐傘，「女人成日話太曬，會遮埋個男的，我阿媽就是這樣。」有人亦指「雨傘持有人」或是女生，才會由她撐傘。但有網友認同撐傘是風度的體現︰「十年前任何情況男生都會主動拿傘，現在世界變了。」

　　配對博客容會指男女因小事「扣分」的個案不少，她舉例：「有27、28歲男生本身是專業人士，條件不俗，但首次約會後即要求AA制，又試過女方談話時大打呵欠，令女方誤會他對她無興趣。」有男律師吃飯時將「整個餐包浸湯」，不符餐桌禮儀，令約會對象扣分。此外，不少人喜歡與女方進行「午餐約會」，罔顧對方或需上班，「易令女生覺得約得太趕，連小小時間都不肯花。」

太照顧周到 反被抱怨

　　極速約會公司one and only總裁譚海祥指香港男生被認定需負責體力工作，如撐傘及提重物等都必須「爭先」，否則易被視作沒風度。「有女生原本對男方觀感不錯，但因約會後男方沒傳簡訊關心她是否平安到家，結果被扣分。」亦有男女飯後AA制，每人需付210元，但女生交出220元後，男方未找贖，令她感男方吝嗇。他笑指，男方做得太多亦可能出事，「有男生幫女生抹埋刀叉，反被抱怨太姿整。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」