過往專欄

　　患病時吃上一碗情人送上的熱粥，自然暖在心頭。但有女生指，買粥予患病男友吃時，伯母竟怪責「街外粥」無營養，直斥她「第時點做人老婆」。有男女配對專家指，女生宜多與未來奶奶請教家事細節，從中打好關係。

　　未過門，先受氣？有女生在討論區指，因為同居男友早前患病，她特意買了粥給男友吃，但未來奶奶竟說︰「出面啲粥邊有益」。帖文指︰「伯母見到就畀說話我聽，話街外買的粥無營養，責怪我第時點做人老婆照顧老公。」

女友默默承受 心中仍不忿

　　事主自言廚藝不精，不想男友病了仍要吃她煮的難吃食物，因此才在外買粥給他，不料卻被指摘，雖然她默默承受，但心中卻不忿︰「我要返工搵食，無時間煲粥，不代表唔照顧你個仔。」她亦正向思考，隔日即向母親請教怎樣「煲靚粥」，務求事件不再重演。

　　帖文引來逾2.6萬人次點擊，不少網民讚事主處理得當，安慰她應體諒為人母者必定緊張兒子，或擔心兒子已經病了，還食「味精粥」，所以衝口而責備事主。有過來人指，同居男友與父母視訊時，其洗碗聲不幸「被收音」，對方父母竟指她洗碗太大聲，恐會「打爛晒啲碗」，她亦只能無視。

父母放手讓子女獨立

　　好好戀愛學堂堂主任杜婉霞指，同居男女的關係雖然沒有法律約束，但生活形同夫妻，即使未結婚亦會遭男方父母視作新抱，要背負照顧其子的期望。她指，若男方能向父母肯定女友的努力，並解釋二人相處各有分工，促父母放手讓他們學習獨立生活，也可減輕父母不安。

　　HK Romance Dating創辦人張惠萍指，事主可易地而處，想像將來孩子生病也不會願意小孩吃「味精粥」，便會了解未來奶奶因愛子心切，說話語氣才較重。她指，有不少個案是未來奶奶會抱怨兒子和女友「天天出街食飯」，但女生大多應對得宜，會解釋工作較忙才會忽略細節。她建議，若遇同樣情況，女生可虛心向伯母請教如何提升廚藝和處理家事，自可增進二人溝通和關係。

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」