過往專欄

　　假期先來病，難免掃興。有情侶計劃旅行時，女方因病未能成行，勸男友如期出發後，她又感後悔，並指摘男友「唔係咁愛我」。有約會顧問建議，若需「撇下」情人去旅行，行程中不妨多關心在港的另一半，以免對方嬲怒。

　　有女生與男友計劃多時，終於有機會一齊去旅行，豈料起行前女生突然發燒，被迫要取消行程。女事主在討論區發帖訴苦︰「男友同我講真係好想去旅行，但怕無人照顧我。我叫他照去，點知他第二日真係飛咗，估唔到我發燒又辛苦時他都可以去旅行……突然覺得他其實唔係咁愛我。我自問平時好獨立，但都會有想人照顧的一刻，現在對他好失望。」

情侶相處應該坦白

　　有網友指事主的男友「旅行大過天」，認為事主「在他心中排位好後」。不過，亦有人指摘事主「一時一樣」，讓男友成行卻又暗中埋怨，指她「口不對心」。有網民認為預訂機票、酒店所費不菲，不能輕易取消行程，且男友事前已問明女友意向，「換轉我都會去啦。」另有人建議事主，應清楚向男友說明想「有人陪」，推測其男友「其實不太明白女友的想法」，女方應多加提示。

　　「好好戀愛學堂」堂主任杜婉霞指，情侶間相處貴乎坦白，惟不少女生愛以「反話」考驗男友，測試對方會否因緊張她而放棄玩樂時間，以證明自己對男友很重要。「不過男性思想很簡單，女友若明言不希望自己離開，他便會留下；若女友口不對心，男生會感到無所適從，甚至覺得女生不可理喻。」她建議若想關係長久，情侶應坦白表達感覺。「如出國是為參加親友畢業禮或婚禮，自然不能改期；若只屬短線玩樂，可商討是否如期起行。」

　　極速約會公司one and only總監譚海祥指，曾有個案是女生去台灣浸溫泉前，剛好月事來潮，結果只能看住男友浸溫泉；亦有個案是抱病成行，到當地才買成藥治療。「若旅行機會難得，可視乎病情決定是否如期出發；若要撇下另一半，起行前亦應多加強照顧，起行後亦要多關心愛侶，如多買手信補償，才不會損害感情。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」