過往專欄

　　「地下情」不能光明正大，隨時鬧情變。有女生指拍拖以來，男友一直無向家人公開其存在，甚至向家人隱瞞已與前女友分手，令她猶如隱形人。有配對專家指，戀情必須公開，才能尊重和給予愛侶身份認同。

　　談戀愛被當「隱形人」，滋味絕不好受。有女生在討論區分享，男友與青梅竹馬的前女友分手後，從未告知家人，令她深感不被尊重。帖文指︰「男友家人一直當他的前女友是新抱仔，大時大節或去玩都會邀請她。但男友與前女友分手後，竟未告知家人，更稱怕我被家人視作第三者，故不透露我的存在。現在他的前女友仍常致電他及與他家人聯絡，為何我要像地下情一樣？」

拍拖必須公開關係

　　帖文公開後引來逾1.5萬人點擊，有網民指事主的男友「明顯最愛自己」，才不肯公開戀情；但有人認為或因事主剛開展戀情，其男友怕不穩定才拒絕帶她「見家長」，而且「他的家人一定已當前女友係自己人，成家好難因你一個斷絕來往。」

　　HK Romance Dating配對公司創辦人張惠萍指，曾有類似個案是事主首次拍拖，不知道怎向家人介紹，才隱瞞戀情︰「見家長是一種身份認同和尊重，最多拍拖一兩年已應介紹伴侶予家長認識，否則伴侶易起疑心，認為你不夠愛自己，或是一腳踏兩船。」張建議，拍拖半年待感情穩定後，便可見家長。「拍拖公開關係是必須的，這樣才夠光明磊落，如上述個案般男友不肯透露新女友存在，甚至仍與舊女友一起玩，新女友難免感到不被尊重。」

無意結婚避見家長

　　極速約會公司「214 Dating」負責人Tammy指，有個案是拍拖大半年後，男方亦未曾邀請女方參與家庭聚會︰「女生起疑追問，才發現男方認為她非理想的妻子類型，根本無意結婚才不見家長，結果變成分手導火線。」她指，見家長是認定關係訊號，若遲遲不介紹予家人或朋友認識，伴侶會欠安全感。「雖然見家長不等同感情長久，但若另一半常避見，多數是因無心發展下去。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」