過往專欄

　　遇上公主病女友，親友亦側目！有女網民不屑朋友患「公主病」，連飲檸檬茶都要男友代為「篤檸檬」，直斥她當男友「工人」，行為離譜。有輔導專家指，過於依賴對男女關係會構成壓力，惟當事人若甘之如飴，外人忌干涉。

　　有女網民在討論區撰文，力數公主病朋友「使盡」男友的惡行。帖文指︰「我朋友有公主病，早前一齊去餐廳食飯，只見她將檸檬茶遞向男友，本以為她攞畀男友飲，誰知竟是要求男友幫手篤檸檬。我完全O晒嘴。」女網民續指，這位公主病朋友與男友外出時，男友除了做「柴可夫」，更要落車幫她開門，令人感到她當男友是「工人」。

部分女生要求特別看待

　　帖文隨即引來逾3.3萬人次點擊。有網民分享曾認識1名30歲女生常扮小朋友嗲聲「講嘢」，更「奉旨」要人接送︰「約她外出，第一件事會問誰可車佢返屋企，甚至要求買埋早餐孝敬她。」有人則指，曾邀丈夫的朋友攜眷到家中用膳，豈料對方女友不但無打招呼，更連「眼尾都無望主人家一眼」。

　　圓滿關係中心總監暨心理輔導學家蔡綺文指，曾有個案是家姐不滿弟婦「點到細佬盡」，並介入二人的事。「家族聚餐時，弟婦望一望，弟弟便會幫手夾餸，令家姐感不是味兒，開口質問弟婦︰『係咪唔識夾餸』；結果弟弟要以妻子不善於用筷子來打圓場。」她指，現時不少女生不僅追求男女平等，甚至要求有「超權」，認為獲伴侶服待及特別看待，才算「錫自己」。

雙方接受 他人不宜干涉

　　蔡綺文指，男女如何相處，旁人無從置啄，若雙方覺得可接受相關行為，他人不宜干涉。但她提醒男生一般較需要個人空間，女方若過於依賴，熱戀期一過恐令男友心有離意。

　　婚介公司連戀愛顧問Joyful Matching負責人Joe Wong指，曾有男生約會女生後，發現對方「奉旨」要人請食飯，不曾提出「夾份」或回請，為此感到介懷。他指公主病女生要注意，並非男友接受「被使喚」便無問題︰「未來奶奶或覺得有人點個仔都會不滿，因而引發婆媳糾紛。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」