過往專欄

　　都市生活開支高昂，薪金月月清的「月光族」絕不罕見。有月光族指生活開支龐大，又要供養家人及女友，難儲錢結婚，感到巨大壓力。家庭治療師指，向家人坦白經濟壓力才是上策，若勉強一力支撑，更難找出路。

　　身無儲蓄，如何成家？有男生在討論區分享經驗，他自稱月入逾2萬元，但家庭開支佔收入逾半，根本難以儲錢結婚。帖文指︰「家用已佔收入一半，且為表心意有向女方畀家用，個人消費接近零，每月出糧即要計能否找卡數，遇節日要慶祝仲頭痕。」該男生指女友最近暗示要結婚，且要求大排筵席，令他更感壓力，直言「求婚戒指」都無錢買。

婚禮開支 雙方共同承擔

　　有網民認為事主未結婚便向女方「畀家用」，恐令對方有錯覺，認為他無經濟壓力，才會要求婚禮「大搞」；事主若充大頭鬼，恐怕會令債務纏身。有人則指若女友明知事主財力有限，仍有百般要求，即使娶過門亦非賢妻，「無錢的家不會和諧」。

　　One and Only婚禮統籌師譚海祥指，有個案是新人月入不足3萬元，但雙方家人均要求大排筵席，且女方要求「有樓才嫁」，令男方飽受壓力，最終拖延5年後，才能協調減少婚禮預算及向家人「借首期」解決問題。另有個案是男方收入低且住在女方家中，故要承擔女方的家用；結婚時只能在註冊處註冊，引起女家不滿。他指，現時新人多以「5︰5、6︰4、7︰3」等比例承擔婚禮開支，絕少由男方一人負責，且籌備時間多長達年半至2年，亦可減低儲錢壓力。

遇財務問題應向家人坦白

　　美國婚姻及家庭治療協會準臨床院士、個人、婚姻及家庭治療師吳綺琴指，若遇財務問題必須向家人坦白，否則會成為關係的「炸彈」︰「有個案是丈夫借錢辦婚禮，但太太不知情，結果丈夫為還債再向朋友借錢，數冚數失敗後最終爆煲，太太得知後甚至想分手。」她指，不少男性受傳統思想束縛，認為男性應「揹起個家」，對財務問題羞於啟齒。「如不坦白問題，根本不知家人可否協助，最終令自己難以脫困。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」