過往專欄

　　拍拖本應是二人世界，若要「三人行」恐令情海翻波。有港女呻男友事無大小均與細妹分享，感情如同遭「第三者」介入，大為反感。有配對博客指，家人介入感情事的個案屢見不鮮，甚至有家長想買通輔導員助棒打鴛鴦。

　　甜蜜情事變成三人共享，有港女在討論區訴苦，自稱與男友拍拖一年多，發現男友不時與妹妹分享二人拍拖細節，有感戀情如「三人行」。帖文指︰「我說的事男友從不上心，佢好錫個妹，細妹講一句好過我講十句。佢會與妹妹講秘密，內容只有兩兄妹知道，連我都不可以知……我接受唔到佢對個妹好過對我。」

女友感自身地位受威脅

　　事主坦言，擔心日後若與男友細妹有爭執，他必然「信個妹」，頓覺感情前途黯淡。但有網民勸誡，其男友「錫家人一定是好男仔」，拍拖亦非要「斷六親」，與家人維持良好關係亦無不妥。有人提醒事主可轉換心態，「男友將關於你的小事都與細妹分享，證明你對他好重要」。

　　「好好戀愛學堂」堂主任杜婉霞指，女性眼見男友與妹妹關係親密，甚至感威脅，自然會產生不安、甚至妒忌心理︰「一般男女戀愛，親如母親、姐妹也不應介入。若與家人過於親密，伴侶或會產生嫉妒、排斥和比較，影響雙方關係。」她建議，成年男女應與家人建立健康的心理界線，讓家人學習「放手」。

應視家人為聆聽者非決策者

　　配對博客容會指，家人介入戀情的個案很普遍，例如擇偶時會順應家人條件而行︰「曾有男士因家中做生意，擇偶要求門當戶對，即使女友是小提琴手，準奶奶仍感不滿，最終男方順應母親要求搵過第二個。」亦有女生接受感情輔導時，其母想買通輔導員誘導女兒與男友分手。「另有父母拜託配對公司職員，裝成朋友向其子女介紹女友或男友，希望子女按其心意選伴侶。」

　　容會又說與家人分享感情事宜定界線，應將家人視作「聆聽者」而非「決策者」︰「家人意見未必錯晒，但若涉及金錢或物質價值時，例如指示你︰『這個男仔賺錢不多，不值得投資』，便要小心衡量。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」