過往專欄

　　年屆50歲本應是知天命的年紀，倘此時才討論生育，人生計劃或會亂套。有男網民指遭女友「逼生仔」，擔心要一力承擔家庭至70歲仍「無得退休」。有社工指，生育計劃若不能協調，不應勉強步入婚姻，否則恐衍生更多問題。

　　現代社會物質豐富，供養小朋友成本水漲船高。有年近50歲的男子在討論區訴苦，指30多歲的女友脅逼他「生仔」，否則便分手。帖文指︰「我收入尚可且有供樓，女友想做全職媽媽。但如此一來我最少要供養小朋友到20多歲，豈不是70歲都無得退休？如果唔生，我倆大把錢剩去下旅行不知幾好，但女友堅持一定生，我都唔知點算。」

社會競爭大 不欲生小孩

　　事主認為，年齡愈大難以再找高薪工作，倘生仔後才被解僱，單靠一人收入難以維持家庭開支。而且感社會競爭大，小朋友亦難開心，故不欲生孩子。

　　帖文公開後吸引逾2.6萬人點擊。有網友勸告事主若無充裕財力及體力，不生育才是上策︰「我同事好愛玩，47歲生仔後每日生活就係湊仔同畀老婆鬧，完全被困。」有父親則指小朋友愛哭鬧很影響情緒，精神及體力負擔一樣大，促事主要考慮清楚。

婚前應協調生育計劃

　　明愛向晴軒高級督導主任王翠珊指，不少求助個案都面對同樣問題，建議若年紀較大，與伴侶拍拖時便應商討生育問題︰「要了解對方是否想生育及原因，若無法協調，其實不應勉強。」她解釋生育期望其實是無法解決的問題，若勉強伴侶生育，最終亦會令婚姻破裂，故應在開始關係前便應協調好。

　　圓滿關係中心總監暨心理輔導學家蔡綺文指，有個案是近40歲的妻子極想生小朋友，丈夫雖然無意有下一代，但因女方要脅離婚，最終妥協。後來妻子無法成功受孕，丈夫亦冷言︰「一早話唔好生啦」。蔡指若伴侶對生育期望不一致，感情難恒久，尤其是年齡漸長時才想生育，要先考慮經濟能力。「如50歲才生育，那僅10多年便到退休年齡，子女到時才讀中學，家庭開支能否應付所需？且教養及陪伴小朋友成長亦很重要，兩者均會消耗精力。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」