過往專欄

　　婚姻驚現「第三者」，竟然是奶奶！有新抱指不堪奶奶多次「嗌生嗌死」逼丈夫回老家同住，而考慮「放生老公」。有家庭治療師指，婚姻不圓滿者往往會將全副心力放在子女身上，惟子女長大後，應學懂放手。

　　有新抱在討論區向奶奶作出「控訴」，稱由入門起「已畀人覺得搶走咗你個仔」，深感委屈，甚至有意離婚。帖文指︰「我決定還番個仔畀你（奶奶），唔使你嗌生嗌死刀仔拮大髀……不用要求個仔同老婆分開，仲執埋床位要他返屋企住。」

代偶兒童 父母不願放手

　　事主續指，自己育有一子，與丈夫都是第二次結婚，婚後曾數次小產，都被奶奶誣蔑為故意「落仔」，令其兒子要「養便宜仔」。她又透露，丈夫拒返老家居住後，奶奶即自稱癌症復發，老爺亦促他體諒「你媽都係掛住你」，令她無言。

　　帖文隨即引來逾3.4萬讚好，不少人反映奶奶同樣「惡頂」。有網民稱奶奶強制她每日「5點起身、9點瞓覺」，甚至不讓夫妻「出夜街」。

　　香港婚姻及家庭治療協會副主席屈偉豪博士指，若父母婚姻不開心，很容易出現「代偶兒童」問題，即是將全副精力投放在子女身上，到子女長大要獨立，父母便會不願放手。「曾有個案是同住的老爺奶奶，要求兒子與新抱瞓覺時不能閂房門，其實是暗示家中權力仍由父母主宰，即使兒子與配偶親密亦要與父母『申請』。」

主動關心可減雙親焦慮

　　屈續指，要避免「第三者」入侵，夫妻間應有共識捍衞與父母的界線，例如不將自家鎖匙交給父母等。同時協商時亦要避免在配偶前批評其父母。「另外，自己父母的問題應自己處理，因父母對新抱、女婿不客氣，卻對親生子女有包容。」

　　註冊臨床心理學家葉妙妍指，單身父母養育子女時，或會出現不願放手的問題。「曾有個案是單親父母常致電問兒子『放工未？食飯未？』或批評其新居整潔度，飯餸是否有營養等。」她稱，子女若能定時及主動關心父母，可減輕他們對分離的焦慮，並應調整父母期望，令他們明白其要求「不一定做到」。

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」