過往專欄

　　「公一份、婆一份」共同經營家庭是常態。但有港女提倡，若男女經濟獨立，根本毋須結婚，且婚後若要兼顧家務及照顧小孩，更加「蝕底」。有網民認為，若女性經濟獨立，更能獲得男方尊重，認同彼此關係平等。

　　女性抬頭，經濟獨立本是喜事。但有港女在討論區指，若婚後經濟獨立，婚姻根本無意義。帖文稱︰「夫婦若生育，女方必然要打理家庭及照顧小孩，男方最多只是『玩下BB』，即是男方只需付出生活開支，便可換來有人服侍及湊仔，咪好著數？」事主續指，贊成女性婚後應有工作，但薪金應儲埋作「私己錢」，以防丈夫不忠時仍有「救命錢」，而非將金錢貢獻家庭。

網民︰財政獨立關係平等

　　有關惹火言論引起熱議，累計有逾6.4萬人次點擊。有網民指結婚本非「賣身」，質疑為何婚後一定要由男方「養」；有人指若能經濟獨立，更能獲得男方尊重，認同彼此關係平等。

　　活愛情緒及家庭輔導中心婚姻家庭治療師謝美恩指，華人素有「男主外、女主內」的觀念，但隨著女性的收入和工作與男性看齊，婚後經濟自然要一同分擔。但不少男女詮釋傳統觀念時會片面作對自己有利的解釋︰「男方認為家務一定太太做；女方認為丈夫必須養家。」

婚前共識 分配家庭責任

　　謝稱，曾有個案是丈夫婚後情緒低落，不滿太太沒負擔任何家庭開支，「男方和太太的收入相若，但二人消閒、旅遊，甚至外傭薪金都由他負責，加上請外傭後，太太不用做家務，令他更感太太對家庭無付出，甚至覺得不再愛他。」

　　觸動輔導中心性治療及家庭治療總監程翠雲表示，夫婦如何分配家庭開支及家務，多數受父母影響，甚至不察覺自己想法有問題。除了婚前應有共識，婚後分配家庭責任亦應具彈性︰「例如傾好由女方煮飯，男方洗碗，但不少太太要求丈夫在飯後立即洗碗，否則視對方沒有做；其實各人的原生家庭習慣不同，無必要強求對方跟到足。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」