過往專欄

　　每到喜慶場合，人情多寡常成為爭拗導火線。有港男準備婚禮時，得悉女家親友打算向新娘送贈龍鳳鈪後，便不付人情，事主直言男家所收人情變相被分薄。有大妗姐指，近10年已較少出現送禮不付人情的情況，但一般女家親友的人情應由女家收，男家並無「蝕底」。

　　送禮不送人情，隨時被人講閒話。有準新郎在社交網站撰文，聲稱籌備婚事時已「燒得起銀紙」，但仍發現不討好之處。帖文指︰「女家親友想打龍鳳鈪給新娘，但條件是飲宴時不付人情，但男家付禮金後，本已協議將酒席所得的人情全數收回………按女家親友的做法，男家的人情根本是蝕掉。」

網民：婚禮非夾錢食飯

　　準新郎補充，龍鳳鈪雖然由妻子收下，但若非「餓死老婆」都不會變賣，但親友會覺得買龍鳳鈪的金額遠高於人情，變相是「畀多咗男方」，而男方卻認為「一個仙都收不到」，令雙方均感委屈。他又稱，最理想做法應是女方親友既送禮又付人情，但坦言難做到。

　　有網民指，早前結婚時曾有親友確實「畀了金器就無畀人情」，但婚禮並非「夾錢食飯」，笑言「唔娶就最賺啦」。亦有網友批評，這位準新郎沒有為賓客設身處地去想，「你想威一晚，就要人哋夾份畀你出風頭，幫你埋單？」

大姈姐：男家計錯數

　　香港婚禮管理協會會長鄺虹指，長輩若已送金器，禮儀上的確不用再付人情︰「送得金器都係關係較親的長輩，禮物已表明心意。但長輩家中若有成年子女，去飲宴時其子女應付人情。」她稱，若按外國婚禮禮儀，一般新人收禮物後，較少會再接受金錢餽贈。

　　大妗姐黎佩甜（甜姨）指，過去的確流行送金器後不再付人情，但近10年因酒席價昂貴，已較少見到此情況。「一般情況是男女家各自收其宴請親友的人情，例如女家親友人情只會畀女家，若其親友不付人情，男家亦無蝕底，只可說準新郎畀禮金時計錯數。」她又謂，金器送贈予新娘，變相是新人的資產，因不用上繳父母。而因金器價昂，近年亦多了親友只「畀利市」而不送贈金器。

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」