過往專欄

　　香港地寸土必爭，有女網民埋怨住所被大嫂「入侵」，指對方入住後霸佔主人房，更反客為主對她諸多挑剔，意圖「逼遷」。有婚姻及家庭治療師指，融入伴侶原生家庭易生衝突，需要互讓互諒。

　　姑仔與阿嫂，生來便是「天敵」？有女網友在討論區撰文，稱大嫂遷入家中後，抱怨連連，甚至反客為主，令她大為不滿。帖文指︰「我本與母親同住，大哥婚後與阿嫂一家三口遷入，母親已讓出主人房予他們，但阿嫂常有意無意自稱『擠迫戶』，反指我一個人住一間房；我上網看影片，她即拍門話我嘈，但自己卻朝朝睇電視、大聲說話製造嘈音。」

被視作外人 易生反抗情緒

　　女網友思疑，大嫂常「多多聲氣」，目的是將她逼走，以霸佔單位，怒斥︰「層樓我阿媽的，阿嫂有不滿應自己搬，無能力唔該收聲啦﹗」

　　有過來人聲稱，阿嫂同樣「巴辣」，經常「畀說話家人聽」，且常對外扮作受害者，令家庭關係惡化。有網民建議事主應與大嫂據理力爭。

　　美國婚姻及家庭治療協會準臨床院士、個人、婚姻及家庭治療師吳綺琴坦言，很多家庭會面對「同住難」的問題。「常見的是生小朋友後，不放心由外傭照顧，或經濟能力無法負擔請外傭，因而遷回家與父母同住，結果令家庭關係緊張。」她又說，融入伴侶原生家庭最大的阻礙，是常被對方家人視作外人。「伴侶若在家中被排擠，自然容易產生反抗情緒，反而會表現得霸道以鞏固自身地位。」

應設身處地為家人配偶設想

　　活愛情緒及家庭輔導中心婚姻及家庭治療師謝美恩指，曾有個案是姑奶不滿弟婦不愛整潔及不做家務，令母親常要「執手尾」，且弟婦作息時間與家人有異，因而常罵弟婦。「事主習慣做事井井有條，弟婦卻不拘小節，令事主看不順眼，但家人卻反指事主小器，令她深感委屈。」

　　謝美恩又稱，要協調生活習慣差異，應先設身處地。「應想想弟婦來自另一家庭，生活習慣不同也很合理。同時應發掘對方長處，如上述個案的弟婦很擅長烹調及搞家庭活動，對家庭非無付出，事主因而釋懷。」

　　不論你係第一次升職做人上司，定係轉工空降到新團隊，都仲會經常感到不少迷惘。一時間唔了解自己應該站喺乜嘢位置、用邊種手法處事、有幾多空間發揮等等。就算長時間碰釘，都未必掌握當中概念。以下有三個新手Leader常遇到嘅錯誤觀念，有助反思自己如何管理團隊同工作。

單一領導風格

　　坊間有好多教學談及不同領導風格，每種風格都有其優點缺點。例如專制型領袖，習慣控制所有事情，事無大小都由一人決策。好處係因減少意見而令每事決策加快，如果團隊大多經驗不足，員工或公司／工種需經常處理變化急速事情，呢類風格亦相對地適合。不過缺點係員工自主性同歸屬感會好低，因害怕上司而對公司失去忠誠，同時有礙員工發展。

　　各種風格都有較為適用行業、公司、下屬等。但其實除老闆或高高高管外，大部分管理人員都難以單一風格走天涯。對一般打工仔嚟講，建議最好具備兩組風格應對上、下層。可先以下屬情況為優先考慮，根據不同下屬組合而採用一組多變風格，因材施教。之後再專門用另一組風格應對上層、老闆。以上方法好處係能有效發展各人所長，反之換來自己需具備多變嘅能力。並非要違背自己性格作另一風格處事，多變風格只係一個「難學易精」嘅起手點，但如慢慢活用多變風格，最後就能衍生出你獨有而強大的一套。

Change Management 不在於事情本身

　　做得Leader必然會面對好多轉變，公司轉變影響你同團隊之外，你嘅上任都係團隊轉變之一。好多公司、Leader處理Change Management 時側重於事件本身，而忽略承受事件嘅人。有調查指當，團隊面對轉變時，只得 20%員工會表示支持，50% 冇意見、跟大隊，30% 會非常抗拒而感到不安。其實大部分人並非唔想改變，只係佢哋擔心改變後對自己嘅影響。所以我哋除咗要喺Change Management 中多加入員工元素，亦要化解佢哋當中疑慮。盡量安排員工參與整個過程，同時要更著重溝通，唔好有「下屬唔需要知咁多」呢種概念。咁先能夠將Change 變成Chance。

遲遲唔做決定

　　傳統亞洲職場都有一個通病，就係「少做少錯，多做多錯」。害怕做錯，所以一係就做少啲，一係就唔決定「拖」字決。但其實唔做決定或拖住做決定，都係一種決定。而呢個處事模式，除咗會令你錯失好多機會之外，更會浪費有潛質下屬。就算下屬有不少想法，但都會好快被你感染，最後整個團隊變成零創新。公司愈大規模，呢個問題愈嚴重，亦係傳統企業永遠唔能夠突圍而出嘅原因。新手上路做上司，千萬唔好怕做錯決定，當然出錯並非好事，但錯誤都係進步過程之一，肯承擔先係重點。