過往專欄

　　夫妻欠缺溝通，隨時「家嘈屋閉」。有男網民指太太是全職主婦，他負責交租、水電及買餸錢外，另外每月給1.5萬元家用予她照顧兩名小孩，太太也說不夠用，為此感壓力。社工指如財政開支欠透明度，夫妻間易引起猜忌，建議詳列開支以減少誤會。

　　不少主婦常言道：管理一頭家不易。有男網民在討論區吐苦水，指自己已打兩份工，太太是全職主婦，主要湊兩個小孩，每月給她1.2萬至1.5萬元家用，但她仍「月月清」。帖文指，「每日只係湊住2個小朋友，1個返下午幼稚園。佢又唔會做家務，仲話我畀得少家用。」

　　有過來人指，每月給太太2.3萬元家用湊「兩條化骨龍」，毋須她交租及水電雜費，同樣無錢剩。有人批評事主太太是大花筒，說不定收起很多私己錢。亦有人撐事主太太，認為百物騰貴，萬多元家用不算多。

部分使費不清楚 易生誤會

　　東華三院健康理財家庭輔導中心主任陳福龍表示，雖然男事主已包租金、水電及買餸錢等，但子女或需搭校車、上興趣班及其他日用開支等，事主可能不清楚使費，才會引起誤會。「當雙方沒有溝通金錢如何使用，便會有很多猜忌及誤會。」

　　陳指，過去處理不少家庭財務困難個案，「多數是丈夫覺得付了家用，但太太總是說不夠，甚至說要用私己錢貼，丈夫就疑惑太太是否將家用扣起當私己錢，於是有不滿」。他建議若是家庭共同開支，夫妻可以聯名戶口或轉帳處理，有單有據及詳列各項支出及預算，增加家庭財務透明度。

應耐性商量如何調整使費

　　循道衞理觀塘社會服務處助理總幹事蔣志恒認為，個案中的太太遇上家用不夠，應向丈夫說明原因，以及列出使費項目。「無論基層或中產家庭，都會遇上家用不夠的情況，視乎管數者如何運用，家用金額多少反而非首要重點。」

　　蔣續說如發現是理財出現問題，丈夫應耐性地跟太太商量如何調整使費。「譬如子女上興趣班是否可減少，或是選擇較便宜的課堂。如果這方面不可削減，或可考慮削減其他方面開支。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」